Jaynisha Nayak Kajol film Maa: પ્લમ્બર પિતાની પુત્રી બની બોલિવૂડ સ્ટાર: કાજોલ સાથે ફિલ્મ ‘મા’માં કામ કરી રહેલી જયનિશા નાયકની સફળતા વાર્તા

Jaynisha Nayak Kajol film Maa: નાની ઉંમરમાં મોટું સપનું સાકાર કરનાર તાપીની બાળ કલાકાર

Jaynisha Nayak Kajol film Maa: તાપી જિલ્લાના વ્યારા શહેરની 15 વર્ષની યુવતી જયનિશા નાયક આજે માત્ર પોતાના શહેર માટે નહીં, પણ સમગ્ર ગુજરાત માટે ગૌરવ બની છે. અજય દેવગણના પ્રોડક્શન હેઠળ બનેલી ફિલ્મ “મા” માં તે અભિનેત્રી કાજોલ સાથે મુખ્ય ભૂમિકા ભજવી રહી છે. ફિલ્મમાં તેણે એક “Possessed Girl” એટલે કે ભૂતગ્રસ્ત છોકરીની પાત્રમાં ઉંડો અભિનય કર્યો છે.

6000થી વધુ ઓડિશનમાંથી એકમાત્ર ગુજરાતીની પસંદગી

આ ફિલ્મ માટે સમગ્ર ભારતમાં 6000થી વધુ ઓડિશન લેવામાં આવ્યા હતા, જેમાંથી માત્ર 6 છોકરીઓ પસંદ કરવામાં આવી. તેમાં ગુજરાતમાંથી એકમાત્ર પસંદ થનારી કલાત્મક હિરોઈન જયનિશા બની છે. આ પસંદગી માત્ર ટેલેન્ટનો જ નહીં, પણ સપનાને સાકાર કરવા માટેના સંઘર્ષનું પરિણામ છે.

ટીવીથી વેબ સીરીઝ સુધીનો સફર

જયનિશાએ “સુહાગન”, “દહેજદાસી”, અને વેબ સિરીઝ “Dustbin” જેવી વિવિધ મંચ પર અભિનય કરી દર્શકોનું દિલ જીત્યું છે. તેમજ રોનિત રોય સાથે “બેટી બચાવો, બેટી પઢાવો” થીમ પર બનેલી શોર્ટ ફિલ્મ “The Little Firefly” માં પણ તે જોવા મળી હતી.

મોડેલિંગથી બોલિવૂડ સુધીનો સફર

જયનિશાની કારકિર્દી મોડેલિંગથી શરૂ થઈ હતી. અત્યાર સુધીમાં તે 9થી વધુ ટાઈટલ અને વિજેતાપદ હાંસલ કરી ચૂકી છે. તેના અંદરના ઉત્સાહ અને પ્રતિભાને તેની માતા સોનીકાબેન નાયકએ ઓળખી, યોગા, જીમ, ફેશન શો અને સ્વિમિંગ જેવી તાલીમ અપાવી. આજે પણ જયનિશા દરરોજ શિસ્તપૂર્વક તૈયારી કરે છે.

સપનાનો આધાર બની પરિવારની મહેનત

જયનિશાના પિતા સુધાકરભાઈ નાયક, વ્યારામાં પ્લમ્બર તરીકે કામ કરે છે અને માતા સોનીકાબેન તેનો અવિરત આધાર બની રહે છે. ચાર સંતાનોના આ છ સભ્યોના પરિવારમાં દરેક વ્યક્તિએ જયનિશાને પ્રેરણા આપી છે. ફિલ્મના શૂટિંગ દરમિયાન પહેલીવાર 7-સ્ટાર હોટલ અને પ્લેન યાત્રા જેવી લાઇફસ્ટાઈલનો અનુભવ પણ કરાયો.

વ્યારાની ગલીઓથી બોલિવૂડ સુધી: એક સાચી ઈન્સ્પિરેશન

માત્ર ફિલ્મી જ નહીં, પણ જીવનમાં પડેલા પડકારો સામે દ્રઢ સંકલ્પ સાથે આગળ વધવું – એ છે જયનિશાની સાચી ઓળખ. નાની ઉંમરે અભિનયમાં આટલી મોટી તક મેળવવી એ એક રોચક અને પ્રેરણાદાયક સફર છે, જે દરેક નવિન યુવાન માટે આશાનો પ્રકાશ બની શકે છે.