Mehsana Market Yard: એરંડાના ભાવમાં ઉછાળો, ખેડૂતો માટે સારા સમાચાર
Mehsana Market Yard: મહેસાણા માર્કેટ યાર્ડમાં એરંડાના ભાવમાં નોંધપાત્ર વધારો જોવા મળ્યો છે. હાલ એરંડાના ઊંચા ભાવ 1,325 રૂપિયા પ્રતિ મણ સુધી પહોંચ્યા છે જ્યારે નીચો ભાવ 1,250 રૂપિયા રહ્યો છે. એરંડાની આવક આજે 1,079 બોરી રહી હતી, જે ગયા અઠવાડિયાની સરખામણીમાં 15 થી 20 રૂપિયા વધારે છે. એરંડાના ભાવમાં આ ઉછાળાથી ખેડૂતોમાં ઉત્સાહનો માહોલ સર્જાયો છે.
રાયડાના ભાવમાં પણ ઉછાળો
એરંડાની જેમ જ રાયડાના ભાવમાં પણ વધારો નોંધાયો છે. મહેસાણા માર્કેટ યાર્ડમાં આજે રાયડાની 140 બોરી આવી હતી, જેમાં ઊંચો ભાવ 1,221 રૂપિયા તથા નીચો ભાવ 1,171 રૂપિયા નોંધાયો હતો. ગયા અઠવાડિયાની સરખામણીમાં રાયડાના ભાવમાં લગભગ 20 રૂપિયાનો વધારો નોંધાયો છે.
બાજરી, અજમો તથા અન્ય પાકોની સ્થિતિ
મહેસાણા માર્કેટ યાર્ડમાં બાજરીની 71 બોરી આવી હતી, જેને 449 રૂપિયા પ્રતિ મણ સુધીનો ઊંચો ભાવ મળ્યો હતો. અજમાની 127 બોરી આવી હતી, જેને 1,600 રૂપિયા સુધીનો ઊંચો ભાવ મળ્યો હતો. જોકે અજમાના ભાવમાં ગયા અઠવાડિયાની સરખામણીમાં થોડો ઘટાડો જોવા મળ્યો છે. રજકાની 103 બોરી આવી હતી, જેને 5,125 રૂપિયા સુધીનો ઊંચો ભાવ મળ્યો હતો.
ખેડૂતો માટે આનંદનો માહોલ
ઉત્તર ગુજરાતમાં એરંડા, રાયડો, બાજરી, ઘઉં સહિતના પાકનો મુખ્યત્વે વાવેતર થાય છે. મહેસાણા માર્કેટ યાર્ડમાં આવી ભરપૂર આવક તથા વધતા ભાવથી ખેડૂતોમાં આનંદનો માહોલ છે. આવા વધતા ભાવોને કારણે ખેડૂતો હવે વધુ પાક વેચાણ માટે માર્કેટ યાર્ડનો સંપર્ક કરી રહ્યા છે.
