Namo Shakti Expressway: નમો શક્તિ અને સોમનાથ-દ્વારકા એક્સપ્રેસવે: ગુજરાતનો મહામાર્ગ વિકાસ યોજના, 1100 કિમીનું કનેક્ટિવિટી નેટવર્ક
Namo Shakti Expressway : ગુજરાત સરકાર રાજ્યમાં માર્ગ પરિવહન અને માળખાગત વિકાસને વધુ વેગ આપવા માટે બે મહત્ત્વાકાંક્ષી એક્સપ્રેસવે પ્રોજેક્ટની ઘોષણા કરી છે – નમો શક્તિ એક્સપ્રેસવે અને સોમનાથ-દ્વારકા એક્સપ્રેસવે. આ એક્સપ્રેસવેજનો એકંદર ખર્ચ આશરે 1 લાખ કરોડ રૂપિયા આવશે અને તે ગુજરાતમાં સંપૂર્ણ કનેક્ટિવિટી અને ઇન્ફ્રાસ્ટ્રક્ચર વિકાસ માટે મહત્વપૂર્ણ સાબિત થશે.
નમો શક્તિ એક્સપ્રેસવે: એક પ્રગતિશીલ યાત્રા
લંબાઈ: 430 કિમી
બાંધકામ ખર્ચ: 39,120 કરોડ રૂપિયા
રસ્તો: ડીસા (બનાસકાંઠા) થી પીપાવાવ પોર્ટ સુધી
લાભ: ઉત્તર ગુજરાતને દક્ષિણ ગુજરાત અને દરિયાકાંઠા સાથે જોડશે, ઔદ્યોગિક વિકાસમાં વધારો કરશે.
સોમનાથ-દ્વારકા એક્સપ્રેસવે: ધાર્મિક અને પર્યટન માટે મહત્વપૂર્ણ માર્ગ
લંબાઈ: 680 કિમી
બાંધકામ ખર્ચ: 57,120 કરોડ રૂપિયા
રસ્તો: દ્વારકા-સોમનાથ સહિત ગુજરાતના પવિત્ર સ્થળોને જોડશે.
લાભ: યાત્રાધામો માટે સરળ પ્રવાસ, પર્યટન અને આર્થિક વૃદ્ધિમાં વધારો.
પ્રોજેક્ટ માટે આગામી પગલાં
ગુજરાતના માર્ગ અને ગૃહનિર્માણ રાજ્યમંત્રીએ જગદીશ વિશ્વકર્માએ વિધાનસભામાં આ પ્રોજેક્ટની માહિતી આપી હતી. આગામી 6 મહિનામાં એક્સપ્રેસવેનું રૂટ મૅપ નક્કી કરવામાં આવશે અને 2025 સુધીમાં તેની ડીટેઇલ પ્રોજેક્ટ રિપોર્ટ (DPR) તૈયાર કરવામાં આવશે.
આ બંને એક્સપ્રેસવે કેવળ ટ્રાફિક કનેક્ટિવિટી માટે નહીં પણ રાજ્યના લોજિસ્ટિક્સ, ઔદ્યોગિક અને પર્યટન વિકાસ માટે એક મહત્વપૂર્ણ પગલું છે. ગુજરાત સરકારે 2024-25 ના બજેટમાં માર્ગ નિર્માણ અને જાળવણી માટે 10,045 કરોડ રૂપિયાનો ફંડ ફાળવ્યો છે, જેનાથી રાજ્યનો ઈન્ફ્રાસ્ટ્રક્ચર વિકાસ ઝડપથી આગળ વધશે. આ પ્રોજેક્ટ ગુજરાત માટે એક નવી અર્થતંત્રિક અને લોજિસ્ટિક રિવોલ્યુશન સાબિત થશે
