Navsari Unique Wedding : બે પત્નીઓ સાથે 16 વર્ષના પ્રેમ બાદ, હવે સાત ફેરા લઈને જોડાશે નવસારીનો યુવક!
Navsari Unique Wedding : નવસારીના ખાનપુર ગામમાં રહેતા મેઘરાજ દેશમુખ આદિવાસી પરંપરાને અનુસરીને 16 વર્ષથી બે પત્નીઓ સાથે રહેતા હતા અને હવે સંતાન સાક્ષી બની સાત ફેરા ફરવાના છે. આ અનોખી ઘટના ગુજરાતમાં ખાસ ધ્યાન ખેંચી રહી છે.
મેઘરાજ દેશમુખે પોતાની બે પત્નીઓ, રેખા અને કાજલ સાથે આજથી ઘણા વર્ષો પહેલા પરિવાર શરુ કર્યો હતો. સામાન્ય રીતે હિંદુ ધર્મમાં જીવનસાથી એકજ હોય, પરંતુ આદિવાસી સમાજમાં બહુપત્નીત્વ એક જુદી પરંપરા છે. મેઘરાજના દાદા અને પિતાએ પણ આ રીત અનુસરી હતી. આજકાલ પણ નવસારીના આ વિસ્તારમાં આવા બહુપત્નીત્વ ધરાવતાં પરિવારો જોવા મળે છે.
યુવાન મેઘરાજ દેશમુખનું આ પરિવાર એક અનોખું દ્રષ્ટાંત છે, જ્યાં બે પત્નીઓ સખીઓની જેમ શાંતિપૂર્વક સાથે રહે છે અને તેમના ત્રણ બાળકો સાથે સુખી જીવન જીવતા આવે છે. આર્થિક મુશ્કેલીના કારણે તેઓએ લાંબા સમય સુધી લગ્નની ધાર્મિક વિધિ કરવાનું ટાળ્યું હતું, પણ હવે બાળકોની હાજરીમાં તેઓ વિધિવત્ સાત ફેરા ફરવા જઈ રહ્યા છે જેથી તેમના સંબંધને ધાર્મિક માન્યતા મળે.
આ ઘટના આજે સમગ્ર નવસારી જિલ્લામાં ચર્ચાનું વિષય બની છે અને આ પ્રકારના લગ્નને લઈને સમાજમાં નવા પ્રશ્નો પણ ઊઠી રહ્યા છે. આમ, આ પરિવાર પરંપરા અને આધુનિકતાનો અનોખો સંગમ બનીને, બહુપત્નીત્વને લઈને બદલાતા દૃષ્ટિકોણની એક જુદી ઓળખ છે.
