social media monitoring : સોશિયલ મીડિયાને લઈને સરકાર સખત, દેશવિરોધી અથવા ખોટી માહિતી પોસ્ટ કરનારા સામે તાત્કાલિક પગલાં
social media monitoring : ભારત-પાકિસ્તાન વચ્ચે વધતા તણાવના કારણે ગુજરાત રાજ્યમાં સુરક્ષાને લઈને તંત્ર વધુ સતર્ક બન્યું છે. રાજ્ય સરકારે સ્પષ્ટ રીતે જણાવ્યું છે કે હવે સોશિયલ મીડિયા પર ખોટી, ભ્રામક કે દેશવિરોધી માહિતી ફેલાવનાર સામે કડક કાર્યવાહી કરવામાં આવશે.
આ નિર્ણય ગુજરાત રાજ્યના ગૃહમંત્રીએ રાજયભરના પોલીસ અધિકારીઓ સાથે યોજેલી મહત્વપૂર્ણ બેઠકમાં લીધો છે. વીડિયો કોન્ફરન્સ દ્વારા તમામ જિલ્લા પોલીસ અધિકારીઓ (SP અને CP) સાથે તાત્કાલિક રૂપે ચર્ચા કરીને આ હુકમો આપ્યા છે.
ઈલેક્ટ્રોનિક સર્વેલન્સ ટીમે ચૂસ્ત નજર રાખવાનું શરૂ કર્યું
પોલીસ વિભાગે જણાવ્યા મુજબ Facebook, Instagram, Twitter (હવે X), WhatsApp અને YouTube જેવી સોશિયલ મીડિયા પ્લેટફોર્મ્સ પર ખાસ સર્વેલન્સ ટીમ ચાંપતી નજર રાખી રહી છે. રાજ્યના તમામ પોલીસ મથકોને નિર્દેશ આપવામાં આવ્યો છે કે જો કોઈ વ્યક્તિ ખોટી, ઉશ્કેરણીજનક કે દેશવિરોધી માહિતી પોસ્ટ કરે તો તેના સામે તુરંત ફરિયાદ નોંધવી અને કાનૂની કાર્યવાહી શરૂ કરવી.
હાલ સુધીમાં ચાર લોકો સામે આવા કિસ્સાઓમાં ફરિયાદ નોંધાઈ ચૂકી છે. આ લોકો સામે કડક ધોરણે કાર્યવાહી શરૂ કરવામાં આવી છે.
આર્મી મૂવમેન્ટ પોસ્ટ કરવી કાયદો ભંગ ગણાશે
બેઠક દરમિયાન ખાસ સૂચના આપવામાં આવી કે કોઈપણ જાતની સેના (આર્મી) સાથે સંબંધિત હલચલ અથવા મૂવમેન્ટને લગતી માહિતી જાહેર કરવી હિંચકાવા જેવી છે અને તેમાં સંડોવાયેલી વ્યક્તિ સામે તાત્કાલિક પગલાં લેવામાં આવશે.
શાંતિ જાળવવા જનજાગૃતિ અપીલ
પોલીસ વિભાગે નાગરિકોને અપીલ કરી છે કે કોઈપણ માહિતી શેર કરતા પહેલાં તેની પુષ્ટિ કરવી ખૂબ જરૂરી છે. અફવાઓથી દૂર રહેવું અને સત્તાવાર સ્ત્રોતો પરથી જ માહિતી મેળવો એ જ સચોટ માર્ગ છે.
સરકારે આ અભિયાન શરૂ કરવાનું મુખ્ય ઉદ્દેશ રાજ્યમાં શાંતિ અને કાયદો વ્યવસ્થા જાળવી રાખવી છે.
