Song for tribute to deads of plane crash: હૃદયસ્પર્શી શ્રદ્ધાંજલિ: હિંમતનગરના મહિલા ભજન મંડળનું ભાવનાત્મક ભજન વાયરલ
Song for tribute to deads of plane crash: અમદાવાદમાં થયેલી વિમાન દુર્ઘટનાના દુઃખદ ખડકારા હજુ શાંત થયા નથી. દુર્ઘટનામાં મૃત્યુ પામેલા લોકોને શ્રદ્ધાંજલિ આપવા માટે દરેક કોઈ પોતપોતાની રીતે દુઃખ વ્યક્ત કરી રહ્યા છે. આવી જ રીતે હિંમતનગરના જલારામ ભજન મંડળની મહિલાઓએ એક સ્વલિખિત ભજન તૈયાર કર્યું છે – “ઉડ્યાં ઉડ્યાં અમદાવાદથી વિમાન”, જે સોશ્યલ મિડિયા પર ખુબ જ વાયરલ થયું છે.
11 લાખથી વધુ વ્યૂઝ – લોકોના દિલને સ્પર્શતું ભજન
આ ભજન યૂ-ટ્યુબ પર અપલોડ થયા પછી માત્ર 7 જ દિવસમાં 11 લાખથી વધુ લોકો એ સાંભળ્યું છે. શ્રોતાઓનું કહેવું છે કે ભજન સાંભળીને તેમની આંખોમાં આંસુ આવી ગયા. ભજનમાં વિમાન દુર્ઘટનામાં ગુમાવાયેલાં જીવનોની યાદ તાજી થાય છે ..
દુઃખદ ઘટના પાછળનું ભાવનાત્મક સર્જન
વિશ્વાસુ ભજનીક મહિલાઓએ જણાવ્યું કે, આ દુર્ઘટના પછી તેમના મનમાં એક ઉથલપાથલ સર્જાઈ હતી. એજ લાગણીને શબ્દોમાં ઢાળી ભજનના સ્વરૂપે રજૂ કરવાનું નક્કી કર્યું. તેઓએ ન માત્ર શબ્દો લખ્યાં પરંતુ તેમનો ભાવપૂર્વક સ્વર પણ આપ્યો અને પછી તેને ટ્યુબ ચેનલ પર અપલોડ કર્યો.
સમગ્ર ગુજરાતથી સહાનુભૂતિ – 270થી વધુ જીવ ગયા
અમદાવાદ પ્લેન ક્રેશમાં 270થી વધુ નિર્દોષ લોકોના મોત થયા હતા. જેમાં સાબરકાંઠા અને અરવલ્લી જિલ્લામાંથી આવેલી ચાર મહિલાઓ પણ સામેલ હતી. સમગ્ર ગુજરાત આજે પણ આ દુર્ઘટનાના ઘા સાથે જીવવાનું શીખી રહ્યું છે. આવા સમયે સર્જાયેલા ભજન દ્વારા લોકોની લાગણીઓ વ્યક્ત થતી હોય છે.
જલારામ મંદિરના ભજનીક મંડળની ભક્તિ ભાવના
આ મહિલા ભજન મંડળ સામાન્ય રીતે હિંમતનગરના જલારામ મંદિરમાં તહેવારો અને તિથિઓ પર ભજન કરતી હોય છે. આ મંડળના યૂ-ટ્યુબ ચેનલ પર ધર્મગીતો અને દેશપ્રેમ પર આધારિત ઘણા ભજનો જોવા મળે છે. હવે તેમણે જે ભજન લખ્યું છે, તે દેશના એક દુઃખદ પાનાને સંગીતમય શ્રદ્ધાંજલિ રૂપે અર્પણ કરે છે.
લોકો કહે છે – “શબ્દો હ્રદયનાં છે, ભજન આત્માને સ્પર્શે છે”
સોશિયલ મિડિયામાં લોકોની ભાવનાત્મક પ્રતિસાદની મોસમ ચાલી રહી છે. ઘણા લોકોએ લખ્યું કે, “અમે પળવાર માટે શાંત થઈ ગયાં, આંખો ભીની થઈ ગઈ.” ઘણા યુઝર્સે તો પોતપોતાના સ્ટેટસ અને પોસ્ટ્સમાં આ ભજનનો ઉપયોગ પણ કર્યો છે.
