સ્થાનિક સ્વરાજ્યની ચૂંટણી માટે આજથી ઉમેદવારીપત્ર ભરવાની પ્રક્રિયા શરૂ

સ્થાનિક સ્વરાજ્યની ચૂંટણીને લઇને આજથી ધમધમાટ શરૂ થવા જઈ રહ્યો છે. આજે ઉમેદવારીપત્ર ભરવાની પ્રક્રિયાનો પ્રારંભ થશે. અને 3 ફેબ્રુઆરી સુધી ઉમેદવારી પત્ર ભરી શકાશે. સ્થાનિક સ્વરાજ્યની ચૂંટણીમાં 75 નગરપાલિકા. 17 તાલુકા પંચાયત અને 2 જિલ્લા પંચાયતની ચૂંટણી યોજાશે. જે માટે 17 ફેબ્રુઆરીએ મતદાન યોજાશે. અને 19 ફેબ્રુઆરીએ મત ગણતરી હાથ ધરાશે.ચૂંટણીમાં ઉમેદવારી નોંધાવનારા ઉમેદવારો 6 ફેબ્રુઆરી સુધીમાં તેમની ઉમેદવારી પરત ખેંચી શકશે. રાજ્યની ૭૫ નગરપાલિકાની ચૂંટણીમાં સારો દેખાવ કરી શહરોના સત્તામંડળ પર રાજકીય કબજો મેળવવા ભાજપ-કોંગ્રેસે તડામાર તૈયારીઓ કરી છે આ ઉપરાંત દાવેદારોએ પણ ભાજપ-કોંગ્રેસની ટિકિટ મેળવવા છેલ્લી ઘડી સુધી દોડધામ મચાવી હતી. રાજકીય લોબિંગ કર્યુ હતું. અત્યારે નગરપાલિકાઓમાં તો ભાજપનો દબદબો રહ્યો છે પણ કોંગ્રેસ વિધાનસભાની ચૂંટણીમાં સારા દેખાવ બાદ આત્મવિશ્વાસથી ભરપૂર જોતાં સારા પરિણામ મળે તેની કવાયત હાથ ધરવામાં આવી છે. કોંગ્રેસે તો સ્થાનિક મુદ્દાઓને ચૂંટણીમાં ગજવવા નક્કી કર્યુ છે. સ્થાનિક સ્તરે જ ઉમેદવાર નક્કી કરવા આયોજન ઘડાયુ છે.