Torrent Power : વાયરલ મેસેજ પાછળનો ખુલાસો: અમદાવાદમાં વીજળી બંધ થવાની અફવાહ પર ટોરેન્ટ પાવરની સ્પષ્ટતા
Torrent Power : અમદાવાદમાં 2 અને 3 મેના રોજ વીજળી બંધ રહેશે તેવી અફવાહ થઇ રહી છે. સોશિયલ મીડિયા પર એક વીડિયો ઝડપથી વાયરલ થયો છે જેમાં જણાવવામાં આવ્યું હતું કે આખા શહેરમાં વીજ પુરવઠો બંધ રહેશે. આ મેસેજના પગલે શહેરમાં અનેક લોકો ચિંતિત થયા છે. જોકે ટોરેન્ટ પાવર લિમિટેડે હવે આ મામલે ખુલાસો આપ્યો છે અને જણાવ્યું છે કે તેવા કોઈ નિર્ણય લેવાયા નથી.
ટોરેન્ટ પાવરે સ્પષ્ટ કર્યું છે કે 2 અને 3 મેના રોજ સમગ્ર અમદાવાદમાં વીજ પુરવઠો બંધ રાખવાની કોઈ યોજના નથી. તેઓએ જણાવ્યું કે માત્ર ચોક્કસ વિસ્તારોમાં જરૂરી જાળવણીના ભાગરૂપે કેટલીક જગ્યાએ ટ્રાન્સફોર્મર કામ માટે બંધ રહેશે. આ કામ માટે અસરગ્રસ્ત ગ્રાહકોને અગાઉથી SMS દ્વારા જાણ કરવામાં આવી છે.
ટોરેન્ટ પાવર મુજબ જાળવણી કાર્ય લગભગ ત્રણ કલાક ચાલશે અને ત્યારબાદ વીજ પુરવઠો ફરી શરૂ કરી દેવામાં આવશે. તેમણે લોકોને અફવાઓથી દૂર રહેવાની સલાહ આપી છે અને સત્તાવાર માહિતી પર જ ભરોસો રાખવાનો અનુરોધ કર્યો છે.
2 મેના રોજ વીજ પુરવઠો ખોરવાઈ શકે તેવા વિસ્તારોમાં આવાં નામો સામેલ છે:
વટવા બીબી તળાવ
હામજા નગર
બુદ્ધાન પાર્ક
અમન પ્લાઝા
મોટેરા સુર્ય શ્રીજ
રાયપુર ઝંકાર એપાર્ટમેન્ટ
ઘાટલોડીયા શાયોના પુષ્પ રેસીડેન્સી
રામદેવનગર, લાંભા અને હાટકેશ્વર જેવા વિસ્તાર
3 મેના દિવસ માટે આ વિસ્તારોની નોંધ:
મીરા સિનેમા રોડ, શ્રીજી ઇન્કા, ઢોર બજાર
વાડજ કાવેરી એપાર્ટમેન્ટ, રીલીફ રોડ પત્થરકુવા, CAT ઓફિસ અને જીવરાજ પાર્ક વિસ્તાર
ટોરેન્ટ પાવરે સ્પષ્ટપણે કહ્યું છે કે આ મેસેજ અફવાહ છે અને લોકોમાં અકારણ ભય ફેલાવી રહ્યો છે. લોકોને અનુરોધ કરાયો છે કે તેઓ ફક્ત ટોરેન્ટ પાવરના સત્તાવાર સ્રોતો પરથી મળતી માહિતી પર જ વિશ્વાસ રાખે.
