દાહોદઃ દાહોદમાં એક કમકમાટી ભરી ઘટના બની હતી. અહીં દાહોદમાં એક ચકચારી આત્મહત્યાની ઘટના સામે આવી હતી. યુવતીને લગ્નની લાલચમાં રાખી પ્રેમ સંબંધ રાખ્યા બાદ લગ્નની ના પાડી દેતા યુવતી પંખા સાથે દુપટ્ટો બાંધી ગળેફાંસો ખાઈ જીવન ટુકવી લેતા પરિવારજનો શોકમગ્ન બની ગયા હતા. દાહોદ ટાઉન પોલીસે યુવક વિરુધ્ધ ફરિયાદ દાખલ કરી આરોપીની ધરપકડના ચક્રો ગતિમાન કર્યા છે
દાહોદના ગોદીરોડ વિસ્તારમાં રહેતી 24 વર્ષીય ફાતેમાં લીમખેડાવાળાને દાહોદના પીસ પાર્ક વિસ્તારમાં રહેતા 35 વર્ષીય પરિણીત યુવક હુસેન અબ્બાસ શાકિર સાથે છેલ્લા 4 વર્ષથી પ્રેમ સબંધ હતા.
હુસેન દ્રારા યુવતીને અવારનવાર લગ્ન કરી લેવાના વાયદા કરતો રહ્યો જ્યારે આજે વહેલી સવારે ફાતેમાં તેના પ્રેમીને મળવા ગઈ અને લગ્નની વાત કરતાં હુસેને લગ્ન કરવાનીના પાડી દીધી હતી.
અને તું બીજી જગ્યાએ લગ્ન કરી લે અને મરવું હોય તો મારી જા તેમ કહેતા યુવતી ઘરે આવી ગઈ હતી. આની રૂમનો દરવાજો બંધ કરી પંખા સાથે દુપટ્ટા વડે ગળેફાસો ખાઈ આત્મહત્યા કરી લેતા પરિવારજનો શોકમગ્ન બની ગયા હતા.
બનાવ જાણ થતાં પોલીસ ઘટના સ્થળે પહોચી મૃતદેહ ને પોર્સ્ટમોર્ટ્મ માટે મોકલી યુવતી ના પિતાની ફરિયાદ ના આધારે હુસેન વિરુધ્ધ આત્મહત્યાં કરવા મજબૂર કરવા માટે ગુનો નોધી આરોપી ની ધરપકડ ના ચક્રો ગતિમાન કર્યા છે.