ઉપલેટા શહેરના મુસ્લિમ વિસ્તારની અંદર આવેલ શેરીમાં પાર્કિંગ કરેલી મારુતિ ફ્રન્ટી કારમાંથી દારૂ ઝડપી પાડતી ઉપલેટા પોલીસ.

ઉપલેટા:ગઈકાલ સાંજના સમયે  ઉપલેટા શહેરના ટ્રાફિકથી ધમધમતા વિસ્તાર ગાંધીચોક પાસે આવેલ મુસ્લિમ વિસ્તારની શેરીમાંથી પાર્કિંગ કરેલ મારુતી ફન્ટી કાર GJ-11-S – 793 નંબરની કાર રાખીને એક શખ્સ દારૂ વેચતો હોવાની બાતમીના આધારે ઉપલેટા પોલીસ દ્વારા દરોડો પાડતા  ગાડી તથા 15 બોટલ ઈંગ્લીશ દારૂ ઝડપાયો હતો. ગાડીનો માલિક શાહનવાઝ ઉર્ફે શાનુડો સલીમ હિંગોળા નામનો મુસ્લિમ શખ્સ પોલીસની ગાડી જોઈને પોતાની ગાડી તથા દારૂ રેઢા મૂકીને પલાયન થઈ ગયો હતો. તેમાં કેટલો દારૂ લાવવામાં આવેલ હતો ? કોને કોને સપ્લાય કરેલ હતી ? વધેલી બોટલો કોને આપવાની હતી ? જેની શોધખોળ ઉપલેટા પોલીસ ચલાવી રહી છે. આરોપી શાનુડો મળ્યા બાદ જ સઘળી હકીકત બહાર આવશે. અગાઉ પણ ઘણી વખત આ લોકોનો પરિવાર વરલી મટકા દારૂ-જુગાર જેવા અન્ય કેસોમાં પકડાયેલા છે. અને એ લોકોનો આ પ્રકારનો સ્પેશિયલ ધંધો પણ છે. જો કે હાલના પી.આઈ. અલ્પેશ પટેલ દ્વારા સખત પેટ્રોલીંગ કરી આવા બે નંબરના  ધંધાઓ સજ્જડ બંધ કરાવેલ હોય. આ બનાવથી ઉપલેટા શહેરના બુટલેગરોમાં ફફડાટ વ્યાપી ગયો છે. જેની વધુ આગળ તપાસ ઉપલેટા પોલીસ ચલાવી રહેલ છે.