Vijay Rupani Net Worth: ચલ સંપત્તિમાં શેર, વીમા અને ઝવેરાતનો મોટો હિસ્સો
Vijay Rupani Net Worth: 12 જૂન, 2025ના રોજ અમદાવાદ ખાતે થયેલી વિમાન દુર્ઘટનામાં ગુજરાતના પૂર્વ મુખ્યમંત્રી વિજય રૂપાણીનું દુર્ભાગ્યપૂર્ણ અવસાન થયું. તેઓ જ્યારે વિમાનમાં હતા ત્યારે લંડન જવા રવાના થયા હતા, પણ થોડા સમયમાં જ વિમાન બીજે મેડિકલ કોલેજના નજીક ક્રેશ થઈ ગયું. આ અકસ્માતે સમગ્ર દેશમાં શોકની લાગણી જગાવી હતી. રાજકીય જીવનમાં સાદગી માટે ઓળખાતા રૂપાણી આશરે 9.21 કરોડ રૂપિયાની સંપત્તિ છોડી ગયા છે.
વિજય રૂપાણીની ચલ સંપત્તિ
2021ની વિધાનસભા ચૂંટણીઓ દરમ્યાન આપવામાં આવેલા એફિડેવિટ અનુસાર, વિજય રૂપાણી પાસે કુલ 5.43 કરોડ રૂપિયાની ચલ સંપત્તિ હતી. જેમાં નીચે મુજબના તત્ત્વો સમાવિષ્ટ છે:
રોકડ રકમ: ₹2,10,233
બેંકમાં રોકાણ: ₹74,93,158
શેર અને મ્યુચ્યુઅલ ફંડ્સ: ₹3,00,96,412
ઝવેરાત: ₹17,94,672
વીમા પોલિસીઓ: ₹16,56,122
વાહનો: ₹17,85,480
પરંતુ તેમનાં પર લગભગ ₹82.55 લાખનું લોન દેણું પણ હતું, જે તેમણે તેમના નજીકના સંબંધીઓ પાસેથી લીધું હતું.
અચલ સંપત્તિમાં ધરાવતા હતા 3 કરોડથી વધુનું માલિકી હક
તેમના એફિડેવિટ મુજબ, વિજય રૂપાણી પાસે કુલ 3 કરોડ રૂપિયાની અચલ મિલકત હતી, જેમાં સામેલ છે:
રાજકોટમાં બિન ખેતી જમીન: ₹1,41,76,000
મકાન (હાઉસિંગ મિલકત): ₹2,03,31,000
કોમર્શિયલ પ્રોપર્ટી: ₹21,00,000
આ મિલકતો મુખ્યત્વે રાજકોટ અને અમદાવાદના મહત્વના વિસ્તારોમાં આવેલી છે, જેનો બજારભાવ સમય સાથે વધુ વધતો રહ્યો છે.
અંજલી રૂપાણીની સંપત્તિ પણ નોંધપાત્ર
વિજય રૂપાણીની પત્ની અંજલીબેન રૂપાણી પાસે પણ મિલકત હતી:
ચલ સંપત્તિ: આશરે ₹50 લાખ
અચલ સંપત્તિ: આશરે ₹1 કરોડ
તેઓ પોતે ભાજપના મહિલા મોરચામાં સક્રિય રહેલી છે અને રાજકીય અને સામાજિક ક્ષેત્રે વિશેષ ઓળખ ધરાવે છે.
ચૂંટણી એફિડેવિટ અનુસાર કુલ સંપત્તિ
2017થી 2022 વચ્ચે, વિજય રૂપાણી અને તેમના પરિવારમાં કુલ મિલકત ₹9.21 કરોડની નોંધાઈ હતી. આ સંપત્તિમાં ઝડપથી વધારો થયો હતો, ખાસ કરીને શહેરો જેવી કે રાજકોટ અને અમદાવાદના મહત્વના વિસ્તારોમાં આવેલી મિલકતના ભાવ વધવાના કારણે.
વિજય રૂપાણીના અવસાન બાદ ટાટા ગ્રુપ દ્વારા વિમાન દુર્ઘટનામાં જીવ ગુમાવનાર તમામ પરિવારજનોને ₹1 કરોડની સહાય આપવાની જાહેરાત પણ કરવામાં આવી છે.
