રક્ષાબંધન સ્પેશિયલ: આ રક્ષાબંધન બનાવો ખોયા અને ડ્રાયફ્રૂટથી ભરેલા ક્રિસ્પી ઘૂઘરા
રક્ષાબંધનનો તહેવાર નજીક આવી રહ્યો છે, ત્યારે જો તમે તમારા ભાઈ માટે કંઈક ખાસ અને પરંપરાગત મીઠાઈ બનાવવાનું વિચારી રહ્યા છો, તો માવા ના ઘૂઘરા એક ઉત્તમ વિકલ્પ છે. તેનો અદ્ભુત સ્વાદ તહેવારની મીઠાશને બમણી કરી દે છે. ખોયા, નારિયેળ અને ડ્રાયફ્રુટ્સના સ્ટફિંગવાળી આ ગુજિયા દરેક વયજૂથના લોકોને ખૂબ ગમે છે.
આ રક્ષાબંધને તમારા ભાઈને તમારા હાથે બનાવેલા ઘૂઘરા ખવડાવીને તેમનો દિવસ ખાસ બનાવો. તેને બનાવું જેટલું સરળ છે, તેટલું જ તે ખાવામાં સ્વાદિષ્ટ લાગે છે. ચાલો જાણીએ માવા ના ઘૂઘરાની સરળ રેસીપી.
આવશ્યક સામગ્રી:
- મેંદો: 2 કપ
- ઘી: 4 મોટા ચમચા (મોણ માટે)
- પાણી: લોટ બાંધવા માટે
- માવો (ખોયા): 1 કપ
- પીસેલી ખાંડ: ¾ કપ
- નારિયેળનું છીણ: 2 મોટા ચમચા
- કાજુ અને બદામ: 2-2 મોટા ચમચા (બારીક સમારેલા)
- કિશમિશ: 1 મોટો ચમચો
- ઈલાયચી પાઉડર: 1 નાનો ચમચો
- ઘી/તેલ: તળવા માટે
બનાવવાની રીત:
મેંદો બાંધવો:
મેંદાને ચાળી લો અને તેમાં ઘી ઉમેરી હાથથી બરાબર મિક્સ કરો. હવે થોડું થોડું પાણી ઉમેરતા જઈને કઠણ લોટ બાંધી લો અને તેને 20 મિનિટ માટે ઢાંકીને રહેવા દો.
સ્ટફિંગ તૈયાર કરવું:
એક પેનમાં માવાને ધીમા તાપે શેકી લો જ્યાં સુધી તે આછો સોનેરી ન થાય. ઠંડો થાય એટલે તેમાં પીસેલી ખાંડ, નારિયેળનું છીણ, સમારેલા મેવા, કિશમિશ અને ઈલાયચી પાઉડર ઉમેરી બરાબર મિક્સ કરો.
ઘૂઘરા બનાવવા
લોટની નાની લુઆ પાડીને નાની પૂરીઓ વણી લો. એક પૂરીને મોલ્ડમાં રાખો, તેમાં તૈયાર કરેલું સ્ટફિંગ ભરો, કિનારીઓ પર થોડું પાણી લગાવો અને ઘૂઘરાને બંધ કરી દો. જો તમારી પાસે મોલ્ડ ન હોય, તો હાથથી વાળીને કિનારીઓને દબાવી લો.
તળવું:
કડાઈમાં તેલ અથવા ઘી ગરમ કરો અને મધ્યમ આંચ પર ઘૂઘરાને સોનેરી થાય ત્યાં સુધી તળો. વધુ પડતી આંચ ટાળો જેથી ઘૂઘરા બહારથી બળી ન જાય અને અંદરથી બરાબર રંધાઈ જાય.
સજાવીને પીરસો:
તૈયાર ઘૂઘરાને ઠંડુ થવા દો અને જો ઈચ્છો તો ચાંદીના વરખ થી સજાવો. તેને એરટાઈટ ડબ્બામાં ભરીને 7-8 દિવસ સુધી સ્ટોર પણ કરી શકાય છે.
