ભારતમાં કોરોના વાયરસ (COVID-19)ની ઝડપ ધીમી પડી છે. કેન્દ્રીય સ્વાસ્થ્ય મંત્રાલય દ્વારા બુધવારે સવારે 8 વાગ્યે જાહેર કરવામાં આવેલા આંકડા અનુસાર, છેલ્લા 24 કલાક દરમિયાન 32,080 કેસ નોંધાયા છે અને 402 લોકોના મોત થયા છે. આ દરમિયાન 36,635 દર્દીઓને રજા આપવામાં આવી હતી અને 10 લાખ 22 હજાર 712 સેમ્પલ ટેસ્ટ કરવામાં આવ્યા હતા.
સ્વાસ્થ્ય મંત્રાલયના જણાવ્યા અનુસાર દેશમાં અત્યાર સુધીમાં કુલ કોરોનાના 97 લાખ 35 હજાર 850 કેસ નોંધાયા છે. તેમાંથી એક લાખ 41 હજાર 360 દર્દીઓના મોત થયા છે. 92 લાખ 15 હજાર 581 દર્દીઓ સાજા થયા છે. સક્રિય કેસ ત્રણ લાખ 78 હજાર 909 છે. ઇન્ડિયન કાઉન્સિલ ઓફ મેડિકલ રિસર્ચ (આઇસીએમઆર) અનુસાર અત્યાર સુધીમાં કુલ 14 કરોડ 98 લાખ 36 હજાર 767 સેમ્પલ ટેસ્ટ કરવામાં આવ્યા છે.
દર્દીઓની રિકવરીનો દર વધીને 94.66 ટકા થયો છે અને મૃત્યુદર ઘટીને 1.45 ટકા થયો છે. સક્રિય કેસો કુલ કેસોમાં 3.89 ટકા હિસ્સો ધરાવે છે. સતત ત્રણ દિવસ સુધી સક્રિય કેસોની સંખ્યા ચાર લાખથી પણ ઓછી રહી છે. મહારાષ્ટ્રમાં દેશમાં સૌથી વધુ સક્રિય કેસ છે. અહીં સક્રિય કેસોની સંખ્યા 74 હજાર 460 છે. 17 લાખ 37 હજાર 080 દર્દીઓ સાજા થયા છે અને 47 હજાર 827 દર્દીઓ મૃત્યુ પામ્યા છે. ત્યારે કેરળમાં 59 હજાર 873 સક્રિય કેસ છે. પાંચ લાખ 82 હજાર 351 દર્દીઓ સાજા થયા છે અને 2472 દર્દીઓ મૃત્યુ પામ્યા છે. દિલ્હીમાં 22 હજાર 310 સક્રિય કેસ છે. પાંચ લાખ 65 હજાર 039 દર્દીઓ સાજા થયા છે અને 9763 દર્દીઓ મૃત્યુ પામ્યા છે.
7 ઓગસ્ટના રોજ કોરોના કેસોની કુલ સંખ્યા 20 લાખને પાર કરી ગઈ હતી. 23 ઓગસ્ટના રોજ આ કેસ 30 લાખને પાર કરી ગયો હતો. 5 સપ્ટેમ્બરના રોજ આ આંકડો 40 લાખને પાર કરી ગયો હતો. 16 સપ્ટેમ્બરના રોજ આ આંકડો 50 લાખને પાર કરી ગયો હતો. 28 સપ્ટેમ્બરના રોજ આ આંકડો 60 લાખને પાર કરી ગયો હતો. 11 ઓક્ટોબરે આ આંકડો 70 લાખને પાર કરી ગયો હતો. 29 ઓક્ટોબરે 20 નવેમ્બરે 80 લાખ અને 90 લાખનો આંકડો પાર કરી ગયો હતો.
