ખાંડ અને કસ્ટર્ડ પાવડર વગર પણ બનશે યમી ફ્રૂટ કસ્ટર્ડ! જાણો બાળકો માટેની સુપર હેલ્ધી રેસીપી

બાળકોના ફેવરિટ ફ્રૂટ કસ્ટર્ડમાં હવે નહીં હોય ખાંડ, મખાના અને બદામથી બનશે સુપર હેલ્ધી ડેઝર્ટ

ઉનાળાની ગરમીમાં જ્યારે કંઈક ઠંડું અને મીઠું ખાવાનું મન થાય, ત્યારે મનમાં સૌથી પહેલો વિચાર ‘ફ્રૂટ કસ્ટર્ડ’નો આવે છે. ફ્રૂટ કસ્ટર્ડ માત્ર સ્વાદિષ્ટ જ નથી હોતું, પણ તેમાં રહેલા ફળોને કારણે તે પૌષ્ટિક પણ માનવામાં આવે છે. પરંતુ, બજારમાં મળતા કસ્ટર્ડ પાવડર અને તેમાં નાખવામાં આવતી વધુ પડતી ખાંડ સ્વાસ્થ્ય માટે એટલી સારી નથી હોતી.

જો તમે ડાયેટ પર હોવ અથવા તમારા બાળકોને કંઈક હેલ્ધી ખવડાવવા માંગતા હોવ, તો આજે અમે તમારા માટે લાવ્યા છીએ વિના ખાંડ અને વિના કસ્ટર્ડ પાવડરનું ફ્રૂટ કસ્ટર્ડ! હા, તમે સાચું વાંચ્યું. આ કસ્ટર્ડમાં દૂધને ઘટ્ટ કરવા માટે આપણે ડ્રાય ફ્રૂટ્સનો ઉપયોગ કરીશું, જે તેને ક્રીમી ટેક્સચર આપવાની સાથે શક્તિ પણ આપશે.

ચાલો જાણીએ આ અનોખા અને હેલ્ધી ફ્રૂટ કસ્ટર્ડની સ્ટેપ-બાય-સ્ટેપ રેસીપી.

કેમ આ કસ્ટર્ડ સામાન્ય કસ્ટર્ડ કરતા અલગ છે?

સામાન્ય રીતે કસ્ટર્ડ બનાવવા માટે મકાઈના લોટ (Cornflour) થી બનેલા કસ્ટર્ડ પાવડરનો ઉપયોગ થાય છે, જે માત્ર કાર્બોહાઇડ્રેટ્સ આપે છે. જ્યારે આ રેસીપીમાં આપણે મખાના, કાજુ અને બદામનો ઉપયોગ કરીએ છીએ. મખાણા કેલ્શિયમથી ભરપૂર હોય છે, બદામ મગજ માટે સારી છે અને કાજુ કુદરતી રીતે ક્રીમીનેસ આપે છે. ખાંડની જગ્યાએ આપણે મધ કે ગોળનો ઉપયોગ કરી શકીએ છીએ, જે તેને ‘ગિલ્ટ-ફ્રી’ ડેઝર્ટ બનાવે છે.

ઉનાળાના વેકેશનમાં 10 મિનિટમાં બનાવો આ ઇન્સ્ટન્ટ મેકરોની, વર્કિંગ પેરેન્ટ્સ માટે અલ્ટીમેટ સરવાઇવલ રેસીપી!

પ્રોટીનથી ભરપૂર: નાસ્તા માટે બેસ્ટ છે પનીર મૂંગ દાળ ચીલા!

જરૂરી સામગ્રી (Ingredients):

• મખાના : ૧ કપ

• બદામ: અડધો કપ

• કાજુ: અડધો કપ

• દૂધ: ૧ કપ (નવશેકું ગરમ)

• કેસર: ૪-૫ તાંતણા

• મધ: સ્વાદ મુજબ (ખાંડના વિકલ્પ તરીકે)

• તાજા ફળો: સફરજન, કેળા, ચીકુ, દ્રાક્ષ, દાડમ (તમારી પસંદગી મુજબ)

• ગાર્નિશિંગ માટે: પિસ્તાની કતરણ અને દાડમના દાણા

બનાવવાની રીત (Step-by-Step Recipe):

પગલું ૧: ડ્રાય ફ્રૂટ્સ તૈયાર કરો

સૌ પ્રથમ એક મોટા બાઉલમાં એક કપ મખાણા, અડધો કપ બદામ અને અડધો કપ કાજુ લો. હવે તેમાં એક કપ નવશેકું ગરમ દૂધ ઉમેરો. ગરમ દૂધનો ઉપયોગ કરવાથી ડ્રાય ફ્રૂટ્સ જલ્દી પોચા થઈ જશે.

પગલું ૨: સ્વાદ અને સુગંધનો ઉમેરો

આ દૂધમાં કેસરના થોડા તાંતણા ઉમેરો. કેસરથી કસ્ટર્ડનો રંગ ખૂબ જ સુંદર આવશે અને સુગંધ પણ સરસ આવશે. સાથે જ તમારી જરૂરિયાત મુજબ મધ પણ ઉમેરી દો. (જો તમે મધ ન નાખવા માંગતા હોવ, તો પલાળતી વખતે ખજૂર પણ નાખી શકો છો).

પગલું ૩: પલાળવા માટે સમય આપો

ગરમીમાં ઠંડક આપતી ડેઝર્ટ: શેફ સંજીવ કપૂરની સ્પેશિયલ લીચી ચીઝકેક રેસીપી

આખા ઘરમાં ફેલાઈ જશે સુગંધ! હોટેલ જેવું ક્રીમી મટર પનીર બનાવવા માટે અપનાવો આ કુકિંગ ટિપ્સ

આ મિશ્રણને આશરે ૧૫ થી ૨૦ મિનિટ માટે રહેવા દો. આ સમય દરમિયાન ડ્રાય ફ્રૂટ્સ દૂધ સોષી લેશે અને એકદમ નરમ થઈ જશે. આ ૨૦ મિનિટમાં તમે તમારી પસંદગીના ફળો (સફરજન, કેળા, ચીકુ વગેરે) નાના ટુકડામાં કાપીને તૈયાર કરી લો.

પગલું ૪: ક્રીમી પેસ્ટ તૈયાર કરો

હવે પલાળેલા મખાણા, કાજુ, બદામ અને કેસરવાળું દૂધ મિક્સર જારમાં લઈ લો. તેને સરખી રીતે ગ્રાઈન્ડ કરી લો. ધ્યાન રાખો કે પેસ્ટ એકદમ સ્મૂધ અને મલાઈદાર હોવી જોઈએ. આ પેસ્ટ દેખાવમાં બિલકુલ બજારના કસ્ટર્ડ જેવી જ ઘટ્ટ હશે.

પગલું ૫: ફળો સાથે મિશ્રણ

એક મોટા વાસણમાં કાપેલા બધા ફળો અને દાડમના દાણા લો. જો તમને વધુ ગળ્યું જોઈતું હોય, તો ઉપરથી થોડું મધ ઉમેરી શકાય. હવે તૈયાર કરેલી ડ્રાય ફ્રૂટ્સની ક્રીમી પેસ્ટને ફળો પર રેડો.

પગલું ૬: મિક્સિંગ અને ગાર્નિશિંગ

બધી વસ્તુઓને હળવા હાથે મિક્સ કરો જેથી ફળો પર કસ્ટર્ડનું પડ ચઢી જાય. ઉપરથી ઝીણા સમારેલા પિસ્તા અને દાડમના દાણાથી ગાર્નિશ કરો.

પીરસવાની સાચી રીત

તૈયાર થયેલા આ હેલ્ધી ફ્રૂટ કસ્ટર્ડને આશરે ૧ કલાક માટે ફ્રીજમાં સેટ થવા મૂકી દો. ઠંડુ થયા પછી ડ્રાય ફ્રૂટ્સની પેસ્ટ વધુ ઘટ્ટ અને સ્વાદિષ્ટ લાગશે. ઉનાળાની બપોરે અથવા રાત્રે જમ્યા પછી ડેઝર્ટ તરીકે આ પીરસો.

આ રેસીપીના ફાયદા 

1. સુગર ફ્રી: ડાયાબિટીસ ધરાવતા લોકો અથવા વજન ઘટાડવા માંગતા લોકો પણ મર્યાદિત માત્રામાં આ ખાઈ શકે છે.

2. પ્રોટીન અને કેલ્શિયમ: મખાણા અને બદામ હોવાથી તે પ્રોટીન અને કેલ્શિયમનો ઉત્તમ સ્ત્રોત છે.

3. બાળકો માટે બેસ્ટ: જે બાળકો ડ્રાય ફ્રૂટ્સ ખાવામાં નખરા કરે છે, તેમને ખબર પણ નહીં પડે કે આ કસ્ટર્ડ શેમાંથી બન્યું છે.

4. ઇન્સ્ટન્ટ એનર્જી: આ ખાવાથી તરત જ તાજગી અને શક્તિનો અનુભવ થાય છે.

રસોડામાં રહેલી વસ્તુઓમાંથી જ કંઈક નવું અને સ્વાસ્થ્યપ્રદ બનાવવાનો આનંદ અલગ જ હોય છે. આ ફ્રૂટ કસ્ટર્ડ માત્ર એક વાનગી નથી, પણ તમારા પરિવાર માટે એક ‘હેલ્થ પેક’ છે. તો આ વખતે બજારના પાવડર લાવવાને બદલે ઘરે જ આ રીતે કસ્ટર્ડ ટ્રાય કરો!