આગામી સાત દિવસ વરસાદી રહેવાની સંભાવના
ગુજરાતમાં ફરી એકવાર મેઘરાજા વરસ્યા છે. હવામાન વિભાગે આગામી સાત દિવસ દરમિયાન રાજ્યના વિવિધ વિસ્તારોમાં વરસાદની આગાહી કરી છે. ખાસ કરીને ત્રણ દિવસ સુધી ભારે વરસાદ વરસવાની શક્યતા દર્શાવવામાં આવી છે, જેને ધ્યાનમાં લઈને તંત્રે જનતા અને માછીમારોને ચેતવણી આપી છે.
હવામાન વિભાગે આપી ચેતવણી, માછીમારો માટે દરિયામા જવાની મનાઈ
હવામાન વિભાગના જણાવ્યા પ્રમાણે, ૨૩ જુલાઈથી ૨૫ જુલાઈ સુધી દરિયામાં ખતરા જેવી પરિસ્થિતિ રહેશે. જેના પગલે માછીમારોને દરિયો ન ખોળવા સૂચના આપવામાં આવી છે. આ ત્રણ દિવસ દરમિયાન દરિયામાં પવનની ઝડપ વધવાની અને ઉંચા મોજા ઉઠવાની સંભાવના છે.
આજે આ જિલ્લામાં યલો એલર્ટ: લોકોને સાવચેત રહેવા અપીલ
૨૧મી જુલાઈએ અમદાવાદ, ગાંધીનગર, અમરેલી, ભાવનગર, બોટાદ, સાબરકાંઠા, અરવલ્લી, ખેડા, આણંદ, મહીસાગર, ભરૂચ, વડોદરા, પંચમહાલ, દાહોદ, છોટાઉદેપુર, નર્મદા, સુરત, તાપી, નવસારી, ડાંગ અને વલસાડ જેવા ૨૧ જિલ્લામાં યલો એલર્ટ જાહેર કરાયું છે. આ વિસ્તારોમાં વરસાદની સાથે વીજળી પડવાની અને તીવ્ર પવન ફૂંકાવાની સંભાવના છે.
૨૨થી ૨૫ જુલાઈ: સામાન્યથી મધ્યમ વરસાદ, ગાજવીજ રહેવાની સંભાવના
હવામાન વિભાગના તાજેતરના નકશા મુજબ ૨૨થી ૨૫ જુલાઈ દરમિયાન રાજ્યના મોટાભાગના વિસ્તારોમાં સામાન્યથી મધ્યમ વરસાદ રહેવાની શક્યતા છે. આ સમયમાં વીજળી સાથેના કમજોર વરસાદની આગાહી છે, પણ ભારે વરસાદની શક્યતા ઓછી છે.
૨૬ જુલાઈ: દક્ષિણ અને મધ્ય ગુજરાતમાં ફરીથી ભારે વરસાદ
૨૬મી જુલાઈએ અમરેલી, ભાવનગર, મહીસાગર, પંચમહાલ, દાહોદ, છોટાઉદેપુર, નર્મદા, તાપી, નવસારી, ડાંગ અને વલસાડ જેવા જિલ્લાઓમાં ફરી એકવાર યલો એલર્ટ આપવામાં આવ્યું છે. અહીં ભારે વરસાદ સાથે તાપમાનમાં ઘટાડો અને જમીન ભીંજાવાની શક્યતા છે.
૨૭ જુલાઈ: સમગ્ર દક્ષિણ ગુજરાત અને ઉત્તર ગુજરાતમાં વરસાદી માહોલ
૨૭મી જુલાઈએ ગીરસોમનાથ, અમરેલી, ભાવનગર, બનાસકાંઠા, સાબરકાંઠા, અરવલ્લી, મહીસાગર, ભરૂચ, વડોદરા, પંચમહાલ, દાહોદ, છોટાઉદેપુર, નર્મદા, સુરત, તાપી, નવસારી, ડાંગ અને વલસાડ જિલ્લામાં યલો એલર્ટ જાહેર કરાયું છે. એટલે કે રાજ્યના મોટા ભાગના વિસ્તારોમાં વરસાદી માહોલ છવાશે.
સંભાળ રાખવાની જરૂર, તંત્ર અને લોકો બંનેએ તૈયાર રહેવું જરૂરી
રાજ્યમાં આગામી દિવસોમાં વરસાદની સ્થિતિને ધ્યાનમાં રાખીને નાગરિકોએ સાવચેત રહેવું જરૂરી છે. ખાસ કરીને નીચાણવાળા વિસ્તારમાં રહેતા લોકો, ખેતીકામ કરતા ખેડૂત ભાઈઓ અને માછીમારોને વધુ સતર્ક રહેવાની હદયપૂર્વક અપીલ કરવામાં આવે છે. તંત્ર પણ પૂરતી તૈયારી રાખે તેમ જરૂરી છે કે જેથી કોઈ પણ આફતને ટાળી શકાય.
