IND vs ENG 3rd Test પ્રખ્યાત કૃષ્ણાને પ્લેઇંગ 11માંથી બહાર મૂકાયો
IND vs ENG 3rd Test ભારત અને ઇંગ્લેન્ડ વચ્ચેની ત્રીજી ટેસ્ટ મેચ લોર્ડ્સના ઐતિહાસિક મેદાન પર રમાઈ રહી છે. શ્રેણી હાલમાં 1-1ની બરાબરી પર છે. આ મહત્વપૂર્ણ મુકાબલામાં ભારતીય ટીમમાં એક મોટો ફેરફાર કરવામાં આવ્યો છે – જસપ્રીત બુમરાહની ટીમમાં વાપસી થઈ છે જ્યારે ઝડપી ગોળંદાજ પ્રખ્યાત કૃષ્ણાને બહારનો રસ્તો બતાવવામાં આવ્યો છે.
પ્રખ્યાત કૃષ્ણાનો નબળો ફોર્મ થયો નિર્ણયનો આધાર:
કૃષ્ણા અત્યાર સુધી ઇંગ્લેન્ડ પ્રવાસમાં પોતાની છાપ છોડી શક્યા નથી. બીજી ટેસ્ટ મેચમાં જ્યાં ભારતે વિજય નોંધાવ્યો હતો, ત્યાં કૃષ્ણાનો દેખાવ નિરાશાજનક રહ્યો. તેમણે મેચમાં ફક્ત એક જ વિકેટ લીધી અને ઘણાં રન આપ્યા:
- પહેલી ઇનિંગમાં: 72 રન
- બીજી ઇનિંગમાં: 39 રન
પ્રથમ ટેસ્ટમાં પણ તેમનું economy અને લાઇન-લેન્થ સુધરવામાં સફળ રહ્યા નહોતા. તેમણે બંને ઇનિંગમાં મળીને 220 રન આપ્યા અને કોઈ અસરકારક અસર પાડી ન હતી.
બુમરાહની ટીમમાં તાકાતભરી એન્ટ્રી:
જસપ્રીત બુમરાહના વાપસાથી બોલિંગ લાઇન-અપ ફરી મજબૂત બની છે. તે ઇનિંગના આરંભમાં વિકેટ લેવા માટે જાણીતા છે અને તેમના અનુભવથી ટીમને મોટા મુકાબલામાં ફાયદો થવાની શક્યતા છે.
IPLમાં ચમક્યા હતા
પ્રખ્યાત કૃષ્ણાએ IPL 2025માં ગુજરાત ટાઇટન્સ માટે રમતાં 25 વિકેટ લઈ પર્પલ કેપ જીતી હતી. તેમ છતાં, આંતરરાષ્ટ્રીય ટેસ્ટ મેચમાં તે ફોર્મ બતાવી શક્યા ન હતા.
અંતરરાષ્ટ્રીય રેકોર્ડ:
- ટેસ્ટ: 5 મેચ, 14 વિકેટ
- વનડે: 17 મેચ, 29 વિકેટ
- T20I: 8 વિકેટ
ભારતીય પ્લેઇંગ ઇલેવન – ત્રીજી ટેસ્ટ માટે:
- યશસ્વી જયસ્વાલ
- કે.એલ. રાહુલ
- કરુણ નાયર
- શુભમન ગિલ (કેપ્ટન)
- ઋષભ પંત (વિકેટકીપર)
- નીતિશ કુમાર રેડ્ડી
- રવીન્દ્ર જાડેજા
- વોશિંગ્ટન સુંદર
- જસપ્રીત બુમરાહ
- આકાશ દીપ
- મોહમ્મદ સિરાજ
