IND vs ENG: વિનુ માંકડ બાદ લોર્ડ્સની બંને ઇનિંગ્સમાં અડધી સદી ફટકારનાર જાડેજા બીજા ભારતીય બન્યા
IND vs ENG લંડનના લોર્ડ્સ ક્રિકેટ ગ્રાઉન્ડ પર રમાયેલી ત્રીજી ટેસ્ટ મેચમાં ભારતને ઇંગ્લેન્ડ સામે 22 રનથી પરાજયનો સામનો કરવો પડ્યો. જોકે, આ મેચમાં રવિન્દ્ર જાડેજાએ ઇનિંગ રમી કે ભલે ભારત હારી ગયું હોય, પણ તેઓ ઇતિહાસના પાનાઓમાં પોતાનું નામ લખ્યું.
જાડેજાએ પ્રથમ ઇનિંગમાં 72 રન અને બીજી ઇનિંગમાં અણનમ 61 રન બનાવ્યા. આ સાથે જાડેજા લોર્ડ્સમાં રમાયેલી ટેસ્ટ મેચની બંને ઇનિંગ્સમાં અડધી સદી ફટકારનાર ફક્ત બીજા ભારતીય બન્યા છે. અગાઉ આ રેકોર્ડ 1952માં વિનુ માંકડે બનાવ્યો હતો, જેમણે લોર્ડ્સમાં 72 અને 184 રનની ઇનિંગ્સ રમી હતી.
જાડેજા
ટેસ્ટની બીજી ઇનિંગમાં ભારતની બેટિંગ લાઈન અપ પૂર્ણ રીતે ધ્વસ્ત થઈ ગઈ. ટોચના સાતમાંથી વધુતર બેટ્સમેનો બે અંક સુધી પણ પહોંચી શક્યા નહીં. માત્ર રવિન્દ્ર જાડેજા જ આવી પરિસ્થિતિમાં શાંત દિમાગથી રમ્યા અને ટીમને જીતની આશા આપી. તેમણે 181 બોલમાં 1 છગ્ગો અને 4 ચોગ્ગાની મદદથી 61 અણનમ રન બનાવ્યા.
અંતે જ્યારે ભારતને જીત માટે થોડા રન જ જોઈએ ત્યારે મોહમ્મદ સિરાજનો વિકેટ શોએબ બશીરે તોડી નાખ્યો અને ભારત 22 રને મેચ હારી ગયું.
મેચનો સારાંશ
- ઇંગ્લેન્ડની પ્રથમ ઇનિંગ: 387/10 (જો રૂટ સદી)
- ભારતની પ્રથમ ઇનિંગ: 387/10 (કેએલ રાહુલ સદી, જાડેજા 72)
- ઇંગ્લેન્ડની બીજી ઇનિંગ: 192/10
- ભારતની બીજી ઇનિંગ: 165/10 (જાડેજા 61*), ભારત 22 રને હાર્યું
અન્ય બેટ્સમેનો નિષ્ફળ
યશસ્વી જયસ્વાલ, કરુણ નાયર, શુભમન ગિલ, ઋષભ પંત સહિતના બેટ્સમેનો ભારત માટે મહત્વપૂર્ણ ઇનિંગ્સ રમી શક્યા નહીં. નવા ખેલાડીઓ વોશિંગ્ટન સુંદર અને નીતિશ રેડ્ડી પણ ખાસ પ્રભાવ ન મૂકી શક્યા.
