નોટબંધીની અંધાધુંધી માં રૂ. ૨૦૦૦ની ઝેરોક્ષ છાપી ચંડીગઢનો યુવાન રૂ. ૨ કરોડ કમાયો.

 નોટબંધીની હાડમારીનો ફાયદો ઉઠાવી ચંદીગઢના એક ભેજાબાજ યુવાને માર્કેટમાં આવેલી રૂ. ૨૦૦૦ની અસલી નોટને સ્કેન કરી બજારમાં મૂકી હતી. જે ચાલી જતા આ યુવાન અને તેની બહેને સાથે મળી લગભગ રૂ. ૨ કરોડ માર્કેટમાં મૂકી પૈસા કમાયા હતા.
ચંદીગઢના ૨૧ વર્ષના બીટેક સ્ટુદંત અભિનવ વર્મા અને તેની ૨૦ વર્ષીય કઝીન વિશાખા શર્માએ રૂ. ૨૦૦૦ના મૂલ્યની નવી નોટ સ્કેન કરી બ્લેક મનીને વ્હાઈટ કરવાની લાલચ આપી માર્કેટમાં ચલાવી હતી. જે ચાલી જતા તેઓએ ૩ કરોડની નોટો છાપી નાખી હતી જેમાંથી ૨ કરોડ કેશ કરી લીધા હતા જોકે સોહાના પોલીસે ગાડીની તપાસ કરવા જતા તેમાંથી રૂ. ૨૦૦૦ની નોટના બંડલો મળતા આટલા બધા પૈસા ક્યાં લઇ જવાતા હતા તેની તપાસ દરમ્યાન નોટો કલર ઝેરોક્ષ હોવાનું ખુલ્યું હતું. જોકે ૨૦૦૦ની ઝેરોક્ષમાં અભિનવે રૂ. ૨૦ લાખની સેકંડ હેન્ડ ઓડી કાર પણ ખરીદી હોવાનો મામલો પ્રકાશમાં આવ્યો હતો. અભિનવ અને તેની બહેને ગાડી ઉપર લાલ લાઇટ લગાવી દીધી હતી જેથી પોલીસ રોકે નહિ. અને તે રીતે ગાડીમાં નોટોની હેરાફેરી કરતા હતા.
જોકે અંતે તેઓ કારની તલાશીમાં અચાનક ઝીલાઈ ગયા હતા.