દેશના ક્રૂડ ઉત્પાદક સંગઠન ઓપેકે આવતા મહિનાથી ક્રૂડ ઉત્પાદન ઘટાડવાનો નિર્ણય કર્યો છે. જેના કારણે આવતા થોડા સમય માં પેટ્રોલ અને ડીઝલના ભાવ 6 થી 8 ટકા વધી શકે છે. હાલમાં મુંબઇમાં પેટ્રોલ 72.46 રૂપિયે લિટર અને ડીઝલ 60.17 રૂપિયે લિટર છે, જે પેટ્રોલ 75 રૂપિયે લિટર અને ડીઝલ 60.17 રૂપિયે લિટર થઇ શકે છે. માર્ચ, 2017 સુધીમાં બ્રેન્ટ ક્રૂડનો ભાવ 50-55 ડૉલર પ્રતિ બેરલ હશે. ક્રૂડ 60 ડૉલર સુધી ગયું તો પેટ્રોલ 80 અને ડીઝલ 68 રૂપિયા સુધી જઇ શકે છે. નોટબંધીથી આર્થિક ગતિવિધિઓ સુસ્ત થઇ ગઇ છે, જેથી પેટ્રોલિયમનો વપરાશ પણ ઘટશે પરંતુ કરન્સી સંકટ ખતમ થયા બાદ તેમાં ફરી તેજી આવશે. ભારત તેની જરૂરિયાતનું 80 ટકા ક્રૂડ ઓઇલ આયાત કરે છે. એક રિપોર્ટ મુજબ ઇન્ડિયન ઓઇલ જેવી સરકારી કંપનીઓ 30-40 દિવસ એડવાન્સમાં ક્રૂડનું બુકિંગ કરે છે. તેથી ક્રૂડ મોંઘું થવાથી ડિસેમ્બર સુધીના ત્રિમાસિક ગાળામાં તેમનો નફો વધશે. ત્રિમાસિક ગાળામાં તેમનું ગ્રોસ રિફાઇનિંગ માર્જિન 6-7 ડૉલર પ્રતિ બેરલ રહેવાની શક્યતા છે. ક્રૂડના ભાવ લગભગ બે વર્ષથી નીચા રહ્યા છે, જેથી તેનું ઉત્પાદન કરતા દેશોની કમાણી ઘટી ગઇ છે. વૈશ્વિક સ્તરે હાલ દૈનિક 14થી 17 લાખ બેરલનો ઓવર સપ્લાય છે. ક્રૂડના ભાવ 50 ડૉલર પ્રતિ બેરલથી વધુ થવાથી અમેરિકી શેલ ઓઇલ પણ નફાની સ્થિતિમાં આવી જશે.
SATYA DESK
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.