ભૂકંપ એ ખોલી નાખી સેક્સ રેકેટ ની પોલ

નવી દિલ્હી તા.8 : સોમવારે રાત્રે ભૂકંપે શકરપુરમાં ચાલતા સેક્સ રેકેટનો ભાંડો ફોડી નાખ્યો. ભૂકંપનો ઝાટકો આવ્યા બાદ એક મકાનના પહેલા માળની બાલકનીમાંથી કૂદીને બે છોકરીઓને ભાગતી કેટલાક લોકોએ જોઈ. થોડા સમય પીછી ફ્લેટમાંથી કોઈ મહિલાનની ચીસ સંભળાઈ. સ્થાનિકોનું કહેવું છે કે કેટલાક સમયથી અહીં દેહવેપારનો વ્યવસાય ચાલતો હતો. જોકે, પોલીસે આ વાતનો ઈનકાર કર્યો છે. સોમવારે રાત્રે 10:35 વાગ્યે આવેલા ભૂકંપના કારણે મોટાભાગના લોકો ઘરમાંથી બહાર નીકળીને રસ્તા પર આવી ગયા હતા.
થોડા સમય પછી જ્યારે લોકો પોતાના ઘરોમાં જવા લાગ્યા ત્યારે તેમણે એક ફ્લેટની બાલકનીમાંથી બે છોકરીઓને કૂદીને ભાગતી જોઈ. લોકોને લાગ્યું કે આ બન્ને પણ ભૂકંપના આંચકાના કારણે ગભરાઈને ભાગી રહી છે. થોડા સમય પછી ફ્લેટની અંદરથી મહિલાની ચીસો સંભળાઈ. આસપાસમાં રહેતા લોકોએ આ ફ્લેટની બહાર પહોંચ્યા તો જોયું કે એક શખસ ફ્લેટની અંદર મહિલાને ખરાબ રીતે મારી રહ્યો હતો. મહિલા વારંવાર તેનાથી છૂટવાના પ્રયત્નો કરી રહી હતી અને દરવાજો ખોલીને ભાગવાના પ્રયાસો પણ કરી રહી હતી, પણ તે શખસ તેને વારંવાર અંદર ખેંચી લેતો હતો. આ પછી લોકોએ પોલીસને ઘટના અંગે જાણ કરી.
મામલો પોલીસની પાસે પહોંચ્યો સ્ત્રી-પુરુષે પોતાને પતિ-પત્ની ગણાવ્યા. પીડિત મહિલાની ફરિયાદ પર તેના કથિત પતિને કલમ 107/151 હેઠળ બંધ કરી દેવામાં આવ્યો. ઘટના અંગે પોલીસને આસપાના લોકોએ વધુમાં જણાવ્યું કે, આ બન્નેએ ફ્લેટમાં છોકરીઓ પણ રાખી હતી. બન્ને મળીને અહીં દેહવ્યાપાર કરતા હતા. અંધારું થતાની સાથે લોકોનું અહીં આવવાનું શરૂ થઈ જતું હતું. પોલીસે કહ્યું કે, ઘટના સ્થળ પરથી દેહવ્યાપાર થતો હોય તેવા કોઈ પુરાવા મળ્યા નથી. મહિલાએ પોતાના પતિ દ્વારા તેની ધોલાઈ કરવામાં આવતી હોવાની ફરિયાદ લેખિતમાં આપી છે. જેના આધારે પોલીસ આગળની કાર્યવાહી કરી રહી છે.