વડાપ્રધાન મોદીજીની હેક થઇ એપ: ૭૦ લાખ યુઝર્સમાં ચિંતા.

 મુંબઈના ૨૨ વર્ષના ડેવલપર જાવેદખત્રીએ વડાપ્રધાન નરેન્દ્રમોદી ની એપની સુરક્ષા મામલે સવાલો ઉઠાવ્યા છે. તેને નરેન્દ્રમોદીની એપ હેક કરીને સાબિત કર્યું હતું કે આ એપ હેક થઇ શકે છે. અને તેનાથી ૫ થી ૧૦ કરોડ જેટલા યુઝર્સ ના ડેટાની પ્રાઈવસીને ખતરો થઇ શકે છે. જાવેદે ટવીટ કરીને જણાવ્યું હતું કે તેને કોઈ ખોટું કરવાનો ઈરાદો નથી. પરંતુ આ એપને મેનેજ કરનાર સબંધિતોને એપની ત્રુટીઓ અંગે સાવધાન કરી એપ્લીકેશનની ખામીઓ તરફ ધ્યાન દોરવા માટેનો પ્રયાસ કર્યો છે. તેને ઉમેર્યું હતું કે પોતે લુપહોલ્સના કારણે આ એપને હેક કરી શક્યો હતો. તેને આ એપ માટે જવાબદાર લોકોનો સંપર્ક કરવાનો પ્રયાસ કર્યો હતો. પરંતુ તેઓએ કોઈ રીપ્લાય આપ્યો ન હતો. જો એપ ઉપર કામ કરાયું ન હોત તો ૭૦ લાખ યુઝર્સના ડેટા દાવ લાગી શકે તેમ હતા. કેમકે તેમાં ઈમેલ આઈડીથી મંદી તમામ ખાનગી વિગતો હતી. જોકે ત્યારબાદ ધ્યાન દોરવા બદલ ભાજપ દ્વારા જાવેદનો આભાર વ્યક્ત કરાયો હતો.