નવી દિલ્હીઃ કેન્દ્રની મોદી સરકાર સામાન્ય પાસેથી નાણાં ખંખેરવા નીતનવા નિયમો લાવી રહી છે. હવે જૂનુ વાહન ધરાવતા ચાલકો પાસેથી નવા ટેક્સના નામ નાણાં ઉભા કરવા નવો નિયમ લાવી રહી છે. કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ પર્યાવરણને પ્રદૂષિત કરતા જૂના વાહનો પર રોડ ગ્રીન ટેક્સ લાદવાના પ્રસ્તાવને મંજૂરી આપી દીધી છે. માર્ગ પરિવહન અને માર્ગ માર્ગ મંત્રાલયે કહ્યું છે કે તેનો ઔપચારિક અમલ કરતા પહેલા તેને રાજ્યોમાં પરામર્શ માટે મોકલવામાં આવશે. મંત્રાલયનું કહેવું છે કે, 8 વર્ષથી વધુ જૂના ટ્રાન્સપોર્ટ વ્હીકલ્સ પર ફિટનેસ સર્ટિફિકેટ નવીનીકરણ સમયે, રોડ ટેક્સના દરે ગ્રીન ટેક્સ 10 ટકાથી 25 ટકા લગાવી શકાય છે.
આ ઉપરાંત 15 વર્ષથી જૂના પર્સનલ વાહનો ઉપર પણ આ ટેક્સ લગાવવામાં આવશે. તો, પબ્લિક ટ્રાન્સપોર્ટ વાહનો જેવા કે સિટી બસ વગેરેએ ઓછો ગ્રીન ટેક્સ ભરવો પડશે. ખૂબ પ્રદૂષિત શહેરોમાં, રજીસ્ટર્ડ વાહનો પર 50 ટકા મહત્તમ ‘ગ્રીન ટેક્સ’ લગાવી શકાય છે. જો કે, ઈંધણ અને વાહનના આધારે ટેક્સ બદલાઇ શકે છે.
આ સિવાય હાઈબ્રિડ, ઇલેક્ટ્રિક વાહનો અને વૈકલ્પિક બળતણ વાહનો જેવાકે, સીએનજી, ઇથેનોલ, એલપીજી ઉપર દોડતા વાહનો પર આ ટેક્સ વસુલવામાં આવશે નહીં. આ સાથે, ખેતીમાં વપરાતા વાહનો, જેમ કે ટ્રેક્ટર, હાર્વેસ્ટર, ટિલર વગેરે ઉપર પણ ગ્રીન ટેક્સ લગાવવામાં આવશે નહીં.