Share Market Update: આજે શેરબજારમાં જબરદસ્ત તેજી જોવા મળી છે. સેન્સેક્સ અને નિફ્ટીએ ઉછાળા સાથે ટ્રેડિંગ બંધ કર્યું.
સેન્સેક્સ અને નિફ્ટી ન્યૂઝઃ આજે રોકાણકારોએ શેરબજારમાં સારો નફો કર્યો છે. સવારથી જ સેન્સેક્સ અને નિફ્ટી બંને લીલા નિશાનમાં ટ્રેડ થઈ રહ્યા છે. સેન્સેક્સ 232 પોઈન્ટ વધીને 65,953 અને નિફ્ટી 80 પોઈન્ટ વધીને 19,597 પર પહોંચ્યો છે. સવારની વાત કરીએ તો સપ્તાહના પહેલા દિવસે શેરબજારે મજબૂત શરૂઆત કરી હતી. ત્યારબાદ BSE સેન્સેક્સ 123.95 પોઈન્ટ ઉછળીને 65,845.20 પોઈન્ટ પર ટ્રેડ કરી રહ્યો હતો. તે જ સમયે, NSE નિફ્ટી 50.50 પોઈન્ટ વધીને 19,567.50 પોઈન્ટ પર પહોંચ્યો હતો. આજના કારોબારમાં Paytmના શેરમાં જબરદસ્ત તેજી જોવા મળી હતી.
આ કંપનીઓના શેરમાં વધારો થયો હતો
સેન્સેક્સ પેકમાં મહિન્દ્રા એન્ડ મહિન્દ્રા, સન ફાર્મા, લાર્સન એન્ડ ટુબ્રો, એનટીપીસી, આઈસીઆઈસીઆઈ બેંક, અલ્ટ્રાટેક સિમેન્ટ, વિપ્રો, ટાટા કન્સલ્ટન્સી સર્વિસીસ, એચસીએલ ટેક્નોલોજીસ અને રિલાયન્સ ઈન્ડસ્ટ્રીઝનો સમાવેશ થાય છે. બીજી તરફ નેસ્લે, ટાટા સ્ટીલ, આઈટીસી, ઈન્ડસઈન્ડ બેંક, પાવર ગ્રીડ અને બજાજ ફાઈનાન્સમાં ઘટાડો નોંધાયો હતો. વૈશ્વિક તેલ બેન્ચમાર્ક બ્રેન્ટ ક્રૂડ 0.06 ટકા ઘટીને USD 86.19 પ્રતિ બેરલ હતું. શેરબજારના કામચલાઉ ડેટા અનુસાર, શુક્રવારે વિદેશી સંસ્થાકીય રોકાણકારો (FIIs)એ નેટ રૂ. 556.32 કરોડના શેરનું વેચાણ કર્યું હતું.
