7 મો પગાર પંચ: સરકારી કર્મચારીઓના પેન્શનના નિયમોમાં ફેરફાર, જાણો હવે તમને કેટલું પેન્શન મળશે?
સરકારી કર્મચારીઓ માટે સારા સમાચાર છે. કેન્દ્ર સરકારે તાજેતરમાં સરકારી કર્મચારીઓના પેન્શન સંબંધિત નિયમોમાં ફેરફાર કર્યો છે. આ નવા નિયમ હેઠળ કેન્દ્રીય કર્મચારીના મૃત્યુ બાદ તેના પરિવાર અને તેના આશ્રિતોને આર્થિક મદદ મળશે. આમાં આશ્રિતોને પેન્શનના 50 ટકા નાણાં આપવામાં આવશે. ચાલો આપણે પેન્શનમાં આ મહત્વપૂર્ણ ફેરફારો વિશે જાણીએ.
આશ્રિતોને લાભ મળશે
નવા નિયમ મુજબ, સરકારી કર્મચારીના આશ્રિતો માટે પેન7 વર્ષની સેવાની શરતનો નિયમ નાબૂદ કરવામાં આવ્યો છે. હવે જો કોઈ કર્મચારીની 7 વર્ષની સેવા પૂરી થાય તે પહેલા તેનું મૃત્યુ થાય છે, તો પેન્શનના 50 ટકા નાણાં કર્મચારીના પરિવારને આપવામાં આવશે. એટલે કે, હવે સરકારી કર્મચારીના મૃત્યુ બાદ મળતી પેન્શનની શરતો નાબૂદ કરવામાં આવી છે. અગાઉ ઘણા કિસ્સાઓમાં, આ સ્થિતિને કારણે, પરિવારના સભ્યો પેન્શનનો લાભ મેળવી શકતા ન હતા.
સરકારે મોંઘવારી ભથ્થામાં વધારો કર્યો
લાંબી રાહ જોયા બાદ કેન્દ્ર સરકારે મોંઘવારી ભથ્થા, DA માં વધારો કર્યો છે. કેન્દ્ર સરકારે મોંઘવારી ભથ્થું, DA ને પુન;સ્થાપિત કર્યું છે. કેન્દ્રીય કર્મચારીઓ અને પેન્શનરો માટે મોંઘવારી ભથ્થું, DA અને મોંઘવારી રાહત (DR) હાલના 17 ટકાના દરથી વધારીને 28 ટકા કરવામાં આવી છે. આ નવા દરો 1 જુલાઈ, 2021 થી લાગુ થશે.
કેન્દ્રીય કર્મચારીઓ અને પેન્શનરોને લાભ
નાણા મંત્રાલયે એપ્રિલ 2020 માં કોરોના સંકટને કારણે કેન્દ્ર સરકારના 50 લાખ કર્મચારીઓ અને 61 લાખ પેન્શનરો માટે મોંઘવારી ભથ્થામાં વધારો રોકવાનો નિર્ણય કર્યો હતો. તેમને 30 જૂન 2021 સુધી DA નો લાભ મળ્યો નથી. હવે લગભગ 48 લાખ કેન્દ્રીય કર્મચારીઓ અને 65 લાખ પેન્શનરોને સરકારના આ પગલાનો લાભ મળશે. તેનાથી સરકારનો ખર્ચ લગભગ 34,401 કરોડ રૂપિયા વધશે.
