ઠંડીનાં કારણે 82 લોકોનાં મોતઃ રેલવે-હવાઇ સેવા પર અસર

દિલ્હીમાં ગાઢ ધુમ્મ્સ છવાયેલું રહેતાં રેલવે અને હવાઈ સેવા પર તેની અસર જોવા મળી હતી છે, જેમાં દિલ્હીથી ઉપડનારી છ ફલાઈટ મોડી પડી હતી બીજી તરફ દિલ્હી આવનારી બે ફલાઈટ મોડી પડી હતી. તો દિલ્હી તરફ આવતી ૪૫ ટ્રેન મોડી પડી છે, ગાઢ ધુમ્મસના કારણે ૨૨ ટ્રેન રદ કરવામાં આવી છે. સમગ્ર ઉત્તર ભારતમાં કાતિલ ઠંડીનું મોજું ફરી વળ્યું છે. ઉત્તરાખંડ, હિમાચલ, સિક્કિમ, બિહાર, રાજસ્થાન અને પંજાબના તાપમાનમાં નોંધપાત્ર ઘટાડો થતાં સમગ્ર વિસ્તારમાં ઠંડી પડી રહી છે. ઠંડીના કારણે ઉત્તર ભારતમાં અત્યાર સુધીમાં કુલ ૮૨ લોકોનાં મોત થયાં છે, અને ગાઢ ધુમ્મસથી રેલવે અને હવાઈ સેવા પર પણ અસર જોવા મળી છે. તો બીજી બાજુ ચાર ટ્રેનનો સમય બદલવામાં આવ્યો છે. ગઈ કાલે દિલ્હીનું તાપમાન ૪.૨ ડિગ્રી નોંધાયું હતું,તો હિમાચલ અને ઉત્તરાખંડમાં પણ ગઈ કાલે ખુબ ઠંડી પડી હતી, જ્યારે સિમલાનું તાપમાન ૩.૨ ડિગ્રી અને દહેરાદૂનમાં ૬ ડિગ્રી તાપમાન રહેતાં આ રાજ્યમાં પાંચ લોકોનાં મોત થયાં હતાં. બીજી તરફ હિમાચલ પ્રદેશમાં બરફવર્ષા થતાં જનજીવન પર તેની અસર જોવા મળી છે.