8 ડિસેમ્બરે મહારાષ્ટ્રના પુણેના પિંપરી-ચિંચવાડ વિસ્તારમાં મીણબત્તી બનાવવાની ફેક્ટરીમાં ભીષણ આગ લાગી હતી. આગની આ ઘટનામાં મૃત્યુ પામેલા લોકોની સંખ્યા વધીને 14 થઈ ગઈ છે. મૃતકોની સંખ્યા વિશે માહિતી આપતા એક સ્થાનિક અધિકારીએ જણાવ્યું કે અકસ્માતમાં ઘાયલ બે મહિલાઓનું સારવાર દરમિયાન મોત થયું છે.
ફેક્ટરી માલિકને હોસ્પિટલમાંથી રજા આપવામાં આવી
પોલીસે તલવાડે સ્થિત આ ફેક્ટરીના માલિક શરદ સુતારને હોસ્પિટલમાંથી રજા આપ્યા બાદ ધરપકડ કરી છે. અકસ્માતમાં તે પણ દાઝી ગયો હતો. અધિકારીએ જણાવ્યું કે ઘાયલ મહિલા પૈકી એક કમલ ચૌરે (35)નું શનિવારે મૃત્યુ થયું હતું, જ્યારે ઉષા પાડવી (40)નું રવિવારે મોત થયું હતું. ફેક્ટરી સામાન્ય રીતે જન્મદિવસની ઉજવણીમાં ઉપયોગમાં લેવાતી મીણબત્તીઓ બનાવે છે.
ફેક્ટરીમાં 8 ડિસેમ્બરના રોજ અચાનક આગ લાગી હતી.
8 ડિસેમ્બરે બપોરે 2:45 કલાકે તલવાડેની ફેક્ટરીમાં અચાનક આગ લાગી હતી, જેમાં તે જ દિવસે છ લોકોના મોત થયા હતા, જ્યારે 10 અન્ય લોકો ગંભીર રીતે ઘાયલ થયા હતા, જેમાંથી કેટલાકનું સારવાર દરમિયાન મૃત્યુ થયું હતું.
