ગૌતમ અદાણી ગ્રૂપની ફ્લેગશિપ કંપની અદાણી એન્ટરપ્રાઇઝિસની ફોલો-ઓન પબ્લિક ઑફર (FPO)ને પ્રથમ દિવસે જ સારો પ્રતિસાદ મળ્યો હતો. પ્રથમ દિવસના ઘટાડા વચ્ચે હવે ગ્રે માર્કેટના સંકેતે પણ ટેન્શન વધાર્યું છે. ચાલો જાણીએ, ગ્રે માર્કેટમાં અદાણી એન્ટરપ્રાઈઝના FPOની શું હાલત છે.
GMP શું છે: ગ્રે માર્કેટનો મૂડ એટલે કે GMP અદાણી એન્ટરપ્રાઇઝ અને તેના પ્રમોટર્સ માટે પ્રોત્સાહક નથી. શનિવારની જેમ અદાણી એન્ટરપ્રાઇઝ એફપીઓનું જીએમપી શૂન્ય છે. તમને જણાવી દઈએ કે અદાણી એન્ટરપ્રાઈઝના શેરની કિંમત 2762.15 રૂપિયા છે. શુક્રવારે તે રૂ. 627.70 અથવા 18.52% ઘટીને બંધ થયો હતો. અદાણી એન્ટરપ્રાઇઝ એફપીઓના ઉપલા પ્રાઇસ બેન્ડની તુલનામાં, તે 16% નીચું છે.
તમને જણાવી દઈએ કે અરજીના પહેલા દિવસે માત્ર 1 ટકા FPO સબસ્ક્રાઈબ થયા હતા. BSE પર ઉપલબ્ધ માહિતી મુજબ, અદાણી એન્ટરપ્રાઇઝ લિમિટેડના FPOને FPOના પ્રથમ દિવસે 4.55 કરોડ શેરની સામે માત્ર 4.7 લાખ શેર માટે બિડ મળી હતી. કંપનીએ FPO માટે શેર દીઠ રૂ. 3112 થી રૂ. 3276ની પ્રાઇસ બેન્ડ રાખી છે.
રિટેલ રોકાણકારોએ 4 લાખ શેર માટે અરજી કરી હતી જ્યારે 2.29 કરોડ શેર તેમના માટે અનામત છે. જ્યારે પાત્ર સંસ્થાકીય ખરીદદારોની શ્રેણીમાં, 1.28 કરોડ શેરની સામે માત્ર 2,656 શેર માટે બિડ મળી હતી. બિન-સંસ્થાકીય રોકાણકારોએ 96.16 લાખ શેરની ઓફર સામે 60,456 શેર માટે બિડ કરી હતી. કંપનીનો FPO 31 જાન્યુઆરીએ બંધ થશે. આ પહેલા અદાણી એન્ટરપ્રાઇઝે એન્કર એટલે કે મોટા રોકાણકારો પાસેથી રૂ. 5,985 કરોડ એકત્ર કર્યા હતા.
