All India Forensic Science Summit 2025 AI ટેક્નોલોજીથી ગુનેગારોનો હિસાબ રાખશે: અમિત શાહે ફોરેન્સિક સાયન્સના ભવિષ્યની આપી ઝાંખી
All India Forensic Science Summit 2025 કેન્દ્રીય ગૃહમંત્રી અમિત શાહે ઓલ ઈન્ડિયા ફોરેન્સિક સાયન્સ સમિટ 2025માં ભાષણ આપતાં જણાવ્યું કે સરકાર હવે ગુનેગારો સામે વધુ ચોકસાઈથી અને ટેક્નોલોજી આધારિત કાર્યવાહી કરશે. તેમણે કહ્યું કે હવે ગુનેગારોની દરેક વિગતો આર્ટિફિશિયલ ઇન્ટેલિજન્સ (AI) દ્વારા સેન્ટ્રલ ડેટાબેઝમાં લિંક કરવામાં આવશે જેથી તેઓ ક્યારે અને ક્યાં ગુનો કરે તેની માહિતી તાત્કાલિક મળી શકે.
ગુંડાગીરીના જમાના ગયાં, હવે ટેક્નોલોજી બોલશે
શાહે જણાવ્યું કે દેશભરના પોલીસ સ્ટેશનોમાં જુદા જુદા ગુનાઓના રેકોર્ડ પછડાટ ભરેલા છે, પણ હવે તેમને AI ની મદદથી ઓનલાઈન પ્લેટફોર્મ પર લાવવામાં આવશે. AI ટેક્નોલોજી ગુનાઓનું વિશ્લેષણ કરી ગુનેગારોની ઓળખ, તેમની ગુનાસભર પૃષ્ઠભૂમિ અને સંભવિત ગુનાઓની આગાહી કરી શકશે. તેઓએ ઉમેર્યું કે “ટૂંક સમયમાં ગુનેગારો સામે ઝડપી અને ચોક્કસ કાર્યવાહી જોવા મળશે.”
ફોરેન્સિક વિજ્ઞાનથી વધી રહી છે ન્યાયની પધ્તિ
ગૃહમંત્રીએ જણાવ્યું કે વડાપ્રધાન નરેન્દ્ર મોદીના વિઝન હેઠળ હવે ફોજદારી ન્યાય વ્યવસ્થામાં વૈજ્ઞાનિક અભિગમ અપનાવવામાં આવી રહ્યો છે. ત્રણ નવા કાયદાઓ દ્વારા ફોરેન્સિક પુરાવાઓને મહત્વ આપવામાં આવ્યું છે. શાહે ઉદાહરણ આપ્યું કે, “અસામમાં અગાઉ સજાનો દર માત્ર 20 ટકા હતો, હવે તે 54 ટકા થઈ ગયો છે.” આ સાવિત કરે છે કે ફોરેન્સિક ટેક્નોલોજી વધુ અસરકારક બની રહી છે.
સીમાઓ વિહોણા ગુનાઓ સામે દેશ તૈયાર
તેમણે ચેતવણી આપી કે આજે ગુનાઓ માત્ર શહેર કે રાજ્યમાં સીમિત નથી. ગુનેગારો આંતરરાષ્ટ્રીય સીમાઓ પાર કરી રહ્યા છે. આવી સ્થિતિમાં ફોરેન્સિક સાયન્સ, ડિજિટલ એવિડન્સ અને AI આધારિત અનુસંધાન ખૂબ જરૂરી બની ચૂક્યું છે. સરકાર આ બધાને એક મજબૂત ફ્રેમવર્કમાં લાવી રહી છે.
ન્યાય પામશે દોષિત, બચશે નિર્દોષ
શાહે કહ્યું કે ટેક્નોલોજીથી ગુનેગારોને ક્યાંય છુપાવાની જગ્યા ન મળશે અને નિર્દોષો માટે ન્યાયની વહેલી પધ્તિ સુનિશ્ચિત થશે. કેન્દ્ર સરકારના પ્રયાસો ફક્ત દંડ નથી, પણ ન્યાય પ્રત્યે લોકોનો વિશ્વાસ વધારવાનો એક પ્રયાસ છે. AI અને ફોરેન્સિકના સુમેળથી ભારતની ન્યાય વ્યવસ્થા એક નવી દિશામાં આગળ વધી રહી છે.
