ઓટોમોબાઇલ માર્કેટમાં છેલ્લા ઘણા સમયથી સમાચાર ચર્ચાઈ રહ્યા છે કે ચીનની ઓટોમોબાઈલ કંપની ગ્રેટ વોલ મોટર (GWM)ભારતમાં ડેબ્યૂ કરવા જઈ રહી છે. તો હવે આ સમાચારને GWMએ કન્ફર્મ કર્યા છે. GWM ઇન્ડિયન માર્કેટમાં તેની પ્રથમ ઇલેક્ટ્રિક કાર Ora R1 લાવવાની તૈયારી કરી રહી છે. તે વિશ્વની સૌથી સસ્તી ઇલેક્ટ્રિક કાર છે. તેની કિંમત 8.6 હજાર ડોલરથી 11 હજાર ડોલર (આશરે 6.2 લાખથી 8 લાખ રૂપિયા) છે. GWMએ આ સસ્તી ઇલેક્ટ્રિક કાર તેના ભારતીય ટ્વિટર પેજ પર દર્શાવી છે. કંપની ફેબ્રુઆરીમાં યોજાનારા ઓટો એક્સ્પોમાં આ ઇલેક્ટ્રિક કાર રજૂ કરશે. એકવાર પૂર્ણ ચાર્જ થયા પછી Ora R1 ઇલેક્ટ્રિક કાર 351 કિલોમીટર સુધી દોડી શકે છે. તેમાં 35KW ઇલેક્ટ્રિક મોટર આપવામાં આવી છે. આ સસ્તી ઇલેક્ટ્રિક કારની રેન્જ ભારતીય બજારમાં અત્યારે અવેલેબલ અન્ય ઇલેક્ટ્રિક કારની સરખામણીએ સ્પર્ધાત્મક છે. અહીં ઇલેક્ટ્રિક કારની સરેરાશ રેન્જ 270 કિલોમીટર છે. ફુલ ચાર્જ પર મહત્તમ રેન્જ હ્યુન્ડાઇ કોના ઇલેક્ટ્રિકની 452 કિમી છે, પરંતુ તેની પ્રારંભિક એક્સ શોરૂમ કિંમત 23.72 લાખ રૂપિયા છે. ભારતમાં મળતી ઇલેક્ટ્રિક કાર્સની સરેરાશ કિંમત આશરે 13 લાખ રૂપિયા જેટલી છે, જેની કિંમત ટ્રેડિશનલ ફ્યુલ (પેટ્રોલ-ડીઝલ)થી ચાલનારી સસ્તી કાર્સની સરખામણીએ સરેરાશ 5 લાખ રૂપિયા વધારે છે. Ora R1ના લોન્ચિંગથી ભારતીય ગ્રાહકોને સસ્તી ઇલેક્ટ્રિક કારનો ઓપ્શન મળશે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.