Bharat Bandh: જાણો આજે શું ખુલ્લું રહેશે અને શું બંધ રહેશે – 9 જુલાઈના ભારત બંધની સંપૂર્ણ વિગતો

Bharat Bandh: દેશવ્યાપી ભારત બંધ – 25 કરોડથી વધુ કર્મચારીઓ હડતાળ પર, જાણો શું ખુલ્લું રહેશે અને શું નહીં

Bharat Bandh 9 જુલાઈ 2025ના રોજ દેશભરમાં વ્યાપક અસર સાથે ભારત બંધનું આયોજન કરવામાં આવ્યું છે. આ હડતાળ 10 કેન્દ્રીય ટ્રેડ યુનિયનો અને ખેડૂત સંગઠનોના સંયુક્ત મંચ દ્વારા બોલાવવામાં આવી છે, જે કેન્દ્ર સરકારની નીતિઓને મજૂર વિરોધી, ખેડૂત વિરોધી અને કોર્પોરેટ તરફી ગણાવે છે.

આ હડતાળમાં અંદાજે 25 કરોડથી વધુ કામદારો જોડાયા છે, જેમાં બેંકિંગ, પરિવહન, ટપાલ સેવાઓ, ખાણકામ, બાંધકામ અને વીજળી ક્ષેત્રના કર્મચારીઓ પણ શામેલ છે.

શું ખુલ્લું રહેશે અને શું બંધ રહેશે?

કેવી રીતે પ્રભાવિત થઈ શકે છે જનજીવન?

• વિજળી કાપ: વીજ વિભાગના 27 લાખથી વધુ કર્મચારીઓ હડતાળમાં જોડાઈ શકે છે.
• રેલવે સેવા પર અસર: યુનિયનોે હડતાળમાં સીધી ભાગીદારી ન કરી હોય છતાં પરોક્ષ અસર પડી શકે છે.
• જાહેર સેવા વિક્ષેપ: ખાસ કરીને ગ્રામિણ વિસ્તારોમાં માર્ગ રોકો અને દેખાવોની શક્યતા.

મુખ્ય સંગઠનો અને સમર્થન

• ટ્રેડ યુનિયનો: INTUC, AITUC, CITU, AIUTUC વગેરે.
• ખેડૂત સંગઠનો: યુનાઇટેડ કિસાન મોરચા (SKM), કૃષિ મજૂર સંગઠનો.
• અન્ય સમર્થન: મનરેગા કર્મીઓ, આશા વર્કર્સ, શહેરી મજૂર સંગઠનો વગેરે.

વિરોધની મુખ્ય માંગણીઓ

1. ચાર નવા શ્રમ કાયદા પાછા ખેંચવા.
2. રોજગારીની તક વધારવી અને સરકારી ખાલી જગ્યા તાત્કાલિક ભરવી.
3. લઘુત્તમ વેતન ₹26,000 કરવો.
4. જૂની પેન્શન યોજના પુનઃસ્થાપિત કરવી.
5. 8 કલાકના કાર્યદિનની ખાતરી.
6. મનરેગા શહેરી વિસ્તારોમાં લાગુ કરવો.
7. અગ્નિપથ યોજના રદ કરવી.
8. યુનિયન બનાવવાનો અધિકાર સુરક્ષિત રાખવો.
9. આરોગ્ય અને શિક્ષણ જેવી જાહેર સેવાઓ મજબૂત કરવી.

કેરળમાં વિવાદ

કેરળના પરિવહન મંત્રીએ KSRTC બસો સામાન્ય રીતે ચાલશે કહ્યું છે, પણ યુનિયનો તેમના નિવેદનનો ખંડન કરે છે અને કહેછે કે KSRTC કર્મચારીઓ પણ બંધમાં જોડાશે.

મુસારીઓ માટે સલાહ

• મુસાફરી કરતા પહેલા રેલવે અને રોડ ટ્રાન્સપોર્ટ સર્વિસના અપડેટ્સ તપાસો.
• બેંકિંગ અને વીજળી સેવા અંગે alternatives તૈયાર રાખો.
• આવશ્યક દવાઓ અને જરૂરી સામગ્રીની વ્યવસ્થા હડતાળ પહેલાં કરી લો.