Himachal: હિમાચલ પ્રદેશમાં વાદળ ફાટવાની ઘટનામાં એક યુવકનું મોત થયું છે. તેમજ લગભગ 28 લોકો ગુમ થયાના અહેવાલ છે. આ પછી, સ્ટેટ ડિઝાસ્ટર રિસ્પોન્સ ફોર્સ (SDRF) એ મોટી શોધ અને બચાવ કામગીરી શરૂ કરી છે. નોંધનીય છે કે, મોડી રાત્રે શિમલા જિલ્લાના રામપુરના સમેજ ખાડ વિસ્તારમાં વાદળ ફાટવાથી અચાનક અને ભારે પૂર આવ્યું. આ કેસમાં વધુ માહિતી આપતાં શિમલાના ડેપ્યુટી કમિશનર અનુપમ કશ્યપે જણાવ્યું કે ઘટના બાદ કુલ 19 લોકો ગુમ થયા છે.
ટીમ ગુમ થયાની શોધખોળમાં લાગી છે
નેશનલ ડિઝાસ્ટર રિસ્પોન્સ ફોર્સ, ઈન્ડો-તિબેટિયન બોર્ડર પોલીસ, પોલીસ અને હોમગાર્ડ્સની ટીમોએ બચાવ કામગીરી શરૂ કરી દીધી છે. કશ્યપે કહ્યું કે ગુમ થયેલા લોકોને શોધી કાઢવા માટે ડ્રોનનો પણ ઉપયોગ કરવામાં આવી રહ્યો છે.
NDRFની ટીમ સ્થળ પર હાજર
નોંધનીય છે કે, મંડી જિલ્લાના પધાર સબ-ડિવિઝનના થલતુખોડમાં વધુ એક વાદળ ફાટ્યું હોવાની માહિતી મળી છે. મંડીના ડેપ્યુટી કમિશનર અપૂર્વાદેવગને જણાવ્યું કે, એક મૃતદેહ મળી આવ્યો છે અને નવ લોકો ગુમ છે. ભારે પૂરના કારણે અનેક મકાનોને નુકસાન થયું છે. જિલ્લા વહીવટીતંત્ર અને નેશનલ ડિઝાસ્ટર રિસ્પોન્સ ફોર્સ (NDRF)ની ટીમોને અસરગ્રસ્ત વિસ્તારમાં મોકલવામાં આવી છે.
ડરની તસવીરો વાયરલ થઈ રહી છે
આ દરમિયાન હિમાચલ પ્રદેશના વિવિધ ભાગોમાંથી ડરામણી તસવીરો વાયરલ થઈ રહી છે. જેમાં બિયાસ નદી ખીણો અને નગરોમાંથી પસાર થતી જોવા મળે છે. હાલમાં આ મામલે વધુ માહિતીની રાહ જોવાઈ રહી છે…
