બાબરી મસ્જિદ ધ્વંસના 25 વર્ષ પૂર્ણ

અયોધ્યામાં બાબરી મસ્જિદને 6 ડિસેમ્બર, 1992ના દિવસે ધ્વંશ કરવામાં આવી હતી. આ ઘટનાના આજે 25 વર્ષ પૂરા થઈ રહ્યા છે. બીજી બાજુ સુપ્રીમ કોર્ટમાં સુનાવણીને લઈ આ મુદ્દો ચર્ચામાં છે. સાવચેતીના ભાગ રૂપે અયોધ્યા સહિત સમગ્ર ઉત્તર પ્રદેશમાં સુરક્ષા ચુસ્ત કરી દેવામાં આવી છે. તો અાજના દિવસે વિશ્વ હિન્દુ પરિષદ શૌર્ય દિવસ ઉજવશે.
કેન્દ્રએ તમામ રાજ્યોને સતર્ક રહેવા અને શાંતિ જળવાઈ રહે તે જોવાનો આદેશ આપ્યો છે.પશ્ચિમ બંગાળમાં મુખ્યમંત્રી મમતા બેનર્જી કોલકત્તામાં આજના દિવસે રેલી કરશે. ડાબેરીઓ પણ બાબરી મસ્જિદ તોડી પાડવાનો વિરોધ કરશે.
બીજી બાજુ, કેટલાક મુસ્લિમ સંગઠનોએ 6 ડિસેમ્બરે કલંક ડેના રૂપમાં મનાવવાનો નિર્ણય કર્યો છે. મુસ્લિમો મકાનો, દુકાનો અને વેપાર સંબંધી જગ્યાઓ પર કલંક ડે નિમિતે કાળા વાવટાઓ ફરકાવી વિરોધ કરશે. બાબરી મસ્જિદ એક્શન કમિટીએ લોકોને કાળી પટ્ટી બાંધી અને વેપાર ધંધાઓ બંધ રાખવાની અપીલ કરી છે.
રામ મંદિર-બાબરી મસ્જિદ વિવાદને ઉકેલવા શ્રી શ્રી રવિશંકરે મધ્યસ્થી કરી હતી. ઉત્તર પ્રદેશના મુખ્યમંત્રી યોગી અાદિત્યનાથ સાથે અા મુદ્દે વાત કરી હતી.