CORONA EFFECT: દર્દીનાં 70 ટકા ફેફસાં ડેમેજ કરી નાખ્યાં / લોહીની નળીમાં ગઠ્ઠા જામી જતાં લકવાની અસર

રાજકોટમાં કોરોનાનો પ્રથમ કેસ માર્ચ મહિનામાં આવ્યો હતો અને ત્યારથી અત્યારસુધીમાં શહેર અને જિલ્લા સહિત 9000 કરતાં વધુ કેસ વધી રહ્યા છે. પહેલા તાવ-શરદી અને ગળામાં બળતરા જેવાં લક્ષણો હતો. પછી સ્વાદ અને ગંધ ન આવવી એ મુશ્કેલી આવી હતી, પણ અત્યારે તો કદી ન આવી હોય એવી નબળાઈ, હૃદયના ધબકારા અનિયમિત થવા, માથાનો દુખાવો પણ થાય છે. કેટલાક કિસ્સાઓમાં તો કોરોનાનો ચેપ ફેફસાંને 70 ટકા સુધી ડેમેજ કરી નાખે ત્યાં સુધી દર્દીને ખબર પણ રહેતી નથી. કોરોના દર્દીનાં ફેફસાંમાં જે સફેદ ડાઘા દેખાય છે એ ડેમેજ થયેલો ભાગ છે. આ દર્દીનાં ફેફસાંમાં ન્યૂમોનિયાના ઘણા પેચ દેખાય છે. 90 ટકા સુધી ફેફસાં ડેમેજ થતાં કામ કરતાં બંધ થયાં છે. આવી સ્થિતિમાં દર્દી દાખલ થાય તો બચવાના ચાન્સ ખૂબ ઓછા છે. ફેફસાંમાં ડાબી બાજુ જે સફેદ ભાગ છે એ ઈન્ફેકશન છે. બીજે દેખાતું નથી. ટીબીમાં એક જ જગ્યાએ ડેમેજ થાય છે. કોરોનામાં ફેફસાં ડેમેજ થઈ ગયાં સુધી કોઈ લક્ષણો જ હોય એ પહેલાં સાંભળ્યું જ હતું, પણ હવે તો જોવા મળી રહ્યું છે. હાલમાં એવા 7 તો સારવાર લઈ રહ્યા છે જેમને સામાન્ય ખાંસી આવતી હતી. ઓક્સિજન પણ નોર્મલ હતું સિટી સ્કેન કરતાં ખબર પડી કે 70 ટકા ફેફસાં ડેમેજ છે. આવા દર્દીઓને પછી એકદમથી માયોકાર્ડિટીસ એટલે કે હૃદયની નળી બ્લોક થઈ જતાં હુમલા આવે છે. આ ઉપરાંત બીજી સમસ્યા થતાં રિકવર થઈ શકતા નથી. એક દર્દી તો 90 ટકા ડેમેજ ફેફસાં સાથે આવ્યા હતા. આ ઉપરાંત થ્રમ્બોસિસ એટલે કે શરીરના અલગ અલગ અંગોમાં લોહી પહોંચાડતી નળીઓમાં લોહીના ગઠ્ઠા થઈ જાય છે. પગની નસમાં થાય તો પગ કામ કરવાના બંધ કરે છે, લકવો પણ લાગી જાય છે.