નવી દિલ્હી : દેશમાં કોરોનાને કારણે ચાલી રહેલા લોકડાઉનને કારણે એરલાઇન્સની હાલત ખરાબ છે. 25 માર્ચથી, ફ્લાઇટ્સ રદ કરવામાં આવી છે, જેના કારણે એરલાઇન્સની આવક બંધ છે જ્યારે કંપનીઓ પર બોજો પડી રહ્યો છે. જેના કારણે GoAir એ કર્મચારીઓના પગારમાં ઘટાડો કરવાનો નિર્ણય લીધો છે. GoAir ના કર્મચારીઓને એપ્રિલનો પગાર મળશે નહીં.
એરલાઇન્સ દ્વારા કહેવામાં આવ્યું હતું કે, બીજા મહિનામાં લોકડાઉન થઈ રહ્યું છે. આશા છે કે તમે બધા સલામત અને સ્વસ્થ છો અને પરિસ્થિતિઓને સારી રીતે સમજો છો. કોરોના ચેપને કારણે દેશમાં લોકડાઉન 17 મે સુધી લંબાવવામાં આવ્યું છે. સરકારના નિર્દેશ મુજબ GoAirએ 31 મે સુધી તમામ ફ્લાઇટ્સ અને ટિકિટ બુકિંગ પર પ્રતિબંધ લગાવી દીધો છે. તેથી ફ્લાઇટ્સ 1 જૂન પહેલા શરૂ થવાની ધારણા નથી.
એરલાઇન્સે જણાવ્યું હતું કે સરકાર તરફથી કોઈ આર્થિક સહાય પ્રાપ્ત થઈ નથી. જો કે, અમે નાગરિક ઉડ્ડયન મંત્રાલય સાથે સતત સંપર્કમાં છીએ. ઉલ્લેખનીય છે કે, સરકારે દેશવ્યાપી લોકડાઉનની તારીખ 17 મે સુધી લંબાવી છે, તે પહેલા લોકડાઉન 3 મે સુધી લંબાવવામાં આવ્યું હતું.
