Covid-19 Cases In India: 2025ના પ્રારંભથી અત્યાર સુધી 28 લોકોના મોત — આરોગ્ય મંત્રાલયે આપ્યા રાજ્યવારના આંકડા
Covid-19 Cases In India: દેશમાં ફરી એક વખત COVID-19ના કેસોમાં ધીમો પણ નોંધપાત્ર વધારો જોવા મળી રહ્યો છે. આરોગ્ય અને પરિવાર કલ્યાણ મંત્રાલય દ્વારા જાહેર કરવામાં આવેલા તાજેતરના આંકડા મુજબ, 2 જૂન, 2025ના રોજ સવારે 7 વાગ્યા સુધીમાં દેશમાં કુલ 3961 સક્રિય કેસ નોંધાયા છે. છેલ્લા 24 કલાકમાં 360 નવા ચેપના કેસો સામે આવ્યા છે, જેનાથી લોકોને ફરી સતર્ક રહેવાની જરૂર છે.
કેરળ હાલમાં સૌથી વધુ અસરગ્રસ્ત રાજ્ય છે જ્યાં 1400 સક્રિય કેસ નોંધાયા છે. કેરળમાં ગયા દિવસે 64 નવા દર્દીઓ મળી આવ્યા હતા. મહારાષ્ટ્ર બીજા સ્થાને છે જ્યાં 506 સક્રિય કેસ છે અને તેમાં છેલ્લા 24 કલાકમાં 18 નવા કેસો નોંધાયા છે. બીજી તરફ, દિલ્હીમાં પણ ચિંતાજનક સ્થિતિ છે, જ્યાં 61 નવા દર્દીઓનો ઉમેરો થયો છે.
મંત્રાલયના જણાવ્યા અનુસાર, દેશમાં જાન્યુઆરી 2025થી 31 મે સુધીમાં COVID-19ના કારણે કુલ 28 લોકોના મૃત્યુ થયા છે. ખાસ કરીને છેલ્લા બે દિવસમાં મૃત્યુઆંકમાં ઊછાળો જોવા મળ્યો છે. 30 મેની સવાર સુધીમાં 7 મૃત્યુની પુષ્ટિ થઈ હતી, જ્યારે હવે આ આંકડો 28 પર પહોંચી ગયો છે.
શુક્રવારે મિઝોરમમાં પણ કોરોનાનો પ્રથમ પોઝિટિવ કેસ સામે આવ્યો છે, જે દક્ષિણ ભારત ઉપરાંત પૂર્વોત્તર વિસ્તારોમાં પણ કોરોનાની હળવી પરત ફરે છે તેનું સંકેત આપે છે.
તંત્રએ લોકોના આરોગ્યને ધ્યાનમાં રાખીને માસ્ક પહેરવા, હેન્ડ સેનિટાઈઝરનો ઉપયોગ કરવા અને ભીડભાડ વાળાં સ્થળોએ જવાનું ટાળવા માટે સલાહ આપી છે. ખાસ કરીને વૃદ્ધો, બાળકો અને કોમોરબિડિટી ધરાવતા લોકોને વધુ સાવચેતી રાખવાની અપીલ કરવામાં આવી છે.
આવા સમયે જરૂરી છે કે આપણે પ્રોટોકોલનું પાલન કરીએ અને આરોગ્ય તંત્ર સાથે સહયોગ કરીએ.
