ક્રૂરતા/ રાઝ ખુલતાં મા-દીકરીની હત્યા કરી આંગણામાં દાટી દીધા

ઉત્તર પ્રદેશ ના મેરઠ જનપદમાં એક ચોંકાવનારી ડબલ મર્ડરની ઘટનાએ લોકોના રૂંવાડા ઊભા થઈ ગયા છે. એક મહિલાએ થોડા દિવસ પહેલા પોતાની બહેનપણી અને તેની દસ વર્ષની દીકરીના ગુમ થવાની જાણ પોલીસને કરી હતી. પરંતુ પોલીસ પણ મૂકદર્શક બની રહી. હવે બંનેના કંકાળ મળી આવ્યા છે. સમગ્ર મામલો જૂઠાણું અને છેતરપિંડી તથા ધર્મ છુપાવીને લગ્ન કરવાનો છે. પરંતુ જ્યારે મહિલાને હકીકત ખબર પડી તો આરોપીએ પત્નીની સાથ દીકરીની પણ હત્યા કરી ઘરના આંગણામાં જ દાટી દીધા. સોશિયલ મીડિયાથી યુવતીને જાળમાં ફસાવી. શમશાદ નામના યુવકે ગાજિયાબાદની રહેવાસી એક યુવતીને પહેલા સોશિયલ મીડિયાના માધ્યમથી પ્રેમ જાળમાં ફસાવી. લગ્નનો વાયદો કરીને તેને પોતાની સાથે મેરઠ લઈને આવ્યો. બંને સાથે રહેવા લાગ્યા અને એક દિવસ જ્યારે તેનો રાઝ ખુલી ગયો તો તેણે માતા અને દીકરીને પ્લાનિંગની સાથે મારી નાખ્યા. હત્યારો એટલો શાતિર હતો કે તેનો અંદાજો એ વાતથી લગાવી શકાય છે કે હત્યા બાદ તે શખ્સે મહિલા અને તેની દસ વર્ષની દીકરીને ઘરની અંદર આંગણામાં જ દાટી દધા. ભારતીય જનતા પાર્ટીના કાર્યકર્તાઓ નેતા પણ ઘટનાસ્થળે પહોંચી અને તેઓઓ આરોપ લગાવ્યો કે શમશાદ નામના યુવક મહિલા પર બળજબરી ધર્મ પરિવર્તન કરવા દબાણ કરી રહ્યો હતો. યુવતી નહીં માને તો શમશાદે તેની હત્યા કરી દીધી અને લાશને ઘરની અંદર જ દાટી દીધી.