જમ્મુ-કાશ્મીરમાં સ્પષ્ટ હવામાન હોવા છતાં બર્ફીલા પવનોને કારણે હાલમાં કડકડતી ઠંડીથી કોઈ પ્રકારની રાહત નથી

જમ્મુ-કાશ્મીરમાં સ્પષ્ટ હવામાન હોવા છતાં બર્ફીલા પવનોને કારણે હાલમાં કડકડતી ઠંડીથી કોઈ પ્રકારની રાહત નથી. કાળજું કંપાવી દે તેવા શિયાળામાં જમ્મુમાં શુક્રવારે મોસમનો સૌથી ઠંડો દિવસ (10.8 ડિગ્રી) રહ્યો હતો અને ગુરુવારે શ્રીનગરમાં મોસમની સૌથી ઠંડી રાત (માઇનસ 5 ડિગ્રી) હતી. ગુરુવારે દક્ષિણ ધ્રુવની એન્ટાર્કટિકા કરતા લદ્દાખનો દ્રાસ વિસ્તાર અત્યંત ઠંડો હતો. જ્યારે રાજધાની દિલ્હી લંડનથી પણ વધુ ઠંડું હતું. દ્રાસમાં લઘુતમ તાપમાન -30.2 ડિગ્રી જ્યારે એન્ટાર્કટિકામાં લઘુત્તમ તાપમાન -26 ડિગ્રી નોંધાયું હતું. કાશ્મીરના ઘણા વિસ્તારોમાં નળમાં આવતું પાણી જામી ગયું છે. લોકો બરફને ઉકાળ્યા પછી પાણી પી રહ્યા છે.જમ્મુમાં દિવસનું તાપમાન સામાન્થી 9.6 ડિગ્રી સેલ્સિયસ નીચે પડીને 10.8 ડિગ્રી જ્યારે રાત્રીનાં સમયે ન્યૂનતમ તાપમાન સામાન્ય થી 1.8 ડિગ્રી ઘટીને 6.4 ડિગ્રી રહ્યું હતું.કટાડામાં દિવસનો પારો સામાન્યથી 8.8 ડિગ્રી નીચેથી 9.9 ડિગ્રી સેલ્સિયસ નોંધવામાં આવ્યું હતું. શ્રીનગરમાં ગત રાત્રીનાં રોજ ન્યૂનતમ પારો ગગડીને 3 થી -5.0 ડિગ્રી હતો.30 ડિસેમ્બર સુધી રાહત નથી. ધુમ્મસ સાથે તાપમાનમાં ઘટાડો થશે. જાન્યુઆરીની શરૂઆતમાં કેટલાક ભાગોમાં વરસાદ સાથે હવામાનમાં સુધારો થઈ શકે છે.ગયા વર્ષ કરતા પણ ઠંડુ. 26 ડિસેમ્બર 2018 ના રોજ જમ્મુમાં દિવસના મહત્તમ તાપમાન 17.6 અને લઘુત્તમ તાપમાન 3.5 ડિગ્રી સેલ્સિયસ હતું. જ્યારે શ્રીનગરમાં ગયા વર્ષે આ દિવસે લઘુત્તમ તાપમાન માઈનસ 6.7 ડિગ્રી સેલ્સિયસ નોંધાયું હતું.