Eid ul-Adha 2025: દેશના મોટાભાગના વિસ્તારોમાં વહેલી સવારે નમાજ
Eid ul-Adha 2025 આજ રોજ સમગ્ર ભારત સહિત સમગ્ર વિશ્વમાં ઈસ્લામિક તહેવાર ઈદ ઉલ-અઝહા, જેને સામાન્ય ભાષામાં બકરી ઈદ કહેવામાં આવે છે, ધાર્મિક શ્રદ્ધા અને ઉત્સાહ સાથે ઉજવાઈ રહ્યો છે. મુસ્લિમ સમુદાયના લોકો વહેલી સવારે મસ્જિદોમાં વિશેષ નમાજ માટે એકત્ર થયા હતા અને નમાજ અદા કર્યા બાદ ગળે મળીને પરસ્પર શુભકામનાઓ પાઠવી રહ્યા છે.
સોશિયલ મીડિયા પર દેશના અનેક શહેરોથી બકરી ઈદની ઉજવણીની તસવીરો અને વીડિયો વાયરલ થઈ રહ્યા છે, જેમાં મસ્જિદોની બહારનો ભક્તિભાવ, ભાઈચારો અને શાંતિપૂર્ણ માહોલ દેખાઈ રહ્યો છે.
દિલ્હીની જામા મસ્જિદ બની આકર્ષણનું કેન્દ્ર
રાજધાની દિલ્હીની જામા મસ્જિદ પર બકરી ઈદના પાવન અવસરે ધાર્મિક ભક્તિનો વિશાળ દ્રશ્ય જોવા મળ્યો. હજારો મુસ્લિમ ભક્તોએ અહીં વહેલી સવારે ખાસ ઈદની નમાજ અદા કરી. સમગ્ર મસ્જિદ અને આસપાસનો વિસ્તાર ભક્તિમય માહોલથી ઘેરાઈ ગયો હતો.
લોકોએ જમાતમાં નમાજ અદા કર્યા બાદ એકબીજાને “ઈદ મુબારક” કહી શુભકામનાઓ પાઠવી. પોલીસ દ્વારા મસ્જિદની બહાર કડક સુરક્ષા વ્યવસ્થા પણ ગોઠવાઈ હતી જેથી કોઇ અણધારી ઘટના ન બને અને તહેવાર શાંતિપૂર્ણ રીતે ઉજવાય. સુરક્ષા દળો અને સ્થાનિક પ્રશાસન દ્વારા વ્યાપક વ્યવસ્થા કરવામાં આવી હતી.
ઈદ ઉલ-અઝહાનું ધાર્મિક મહત્વ
ઈદ ઉલ-અઝહા તહેવાર ઈસ્લામ ધર્મમાં વિશેષ સ્થાન ધરાવે છે. આ તહેવાર ઈમાન, ત્યાગ અને સમર્પણના પ્રતિકરૂપે ઉજવવામાં આવે છે. કુરબાનીના રૂપમાં ઈબ્રાહિમ નબીની કથાને આધારે આ દિવસને યાદ કરવામાં આવે છે, જેમાં તેઓએ પોતાના પુત્રની બલિ આપવાનું તય કર્યું હતું. ત્યારથી આજ સુધી વિશ્વભરના મુસ્લિમો આ તહેવાર પર કુરબાની આપે છે અને જરૂરિયાતમંદો સાથે માંસ વહેંચે છે.
Delhi: Devotees gather at Jama Masjid to offer namaz, celebrate Eid al-Adha
Read @ANI Story | https://t.co/DdHFKWZXSn#Delhi #JamaMasjid #EidAlAdhaMubarak pic.twitter.com/YOS9LW57nx
— ANI Digital (@ani_digital) June 7, 2025
ભાઈચારો અને શાંતિનો સંદેશ
આ તહેવાર માત્ર ધાર્મિક ધોરણે મહત્વનો નથી, પરંતુ સમાજમાં ભાઈચારા, સહિષ્ણુતા અને પ્રેમના સંદેશ માટે પણ ઓળખાય છે. દેશભરના અલગ અલગ વિસ્તારોમાં હિંદૂ અને અન્ય સમુદાયના લોકોએ પણ પોતાના મુસ્લિમ મિત્રોને ઈદની શુભેચ્છાઓ આપી, જે ભારતીય સંસ્કૃતિના સૌહાર્દપૂર્ણ સ્વભાવને પ્રતિબિંબિત કરે છે.
#WATCH | Security tightened outside Delhi's iconic Jama Masjid as people reach to offer morning Namaz on the occasion of Eid Al Adha pic.twitter.com/7sLEitlX0A
— ANI (@ANI) June 7, 2025
આ રીતે બકરી ઈદ 2025ની ઉજવણી માત્ર ધાર્મિક ઉલ્લાસ પૂરતી રહી નથી, પરંતુ દેશના તમામ નાગરિકો વચ્ચે એકતાના સુત્રને મજબૂત કરતી દર્શાઈ છે.
