સમગ્ર રાજ્યમાં ઠંડીનો કહેર યથાવત્

સમગ્ર રાજ્યમાં ઠંડીનો કહેર યથાવત, વેસ્ટર્ન ડિસ્ટર્બન્સના કારણે ઠંડો પવન ફૂંકાતા હાડ થીજવતી ઠંડી.સમગ્ર ઉત્તર ભારતમાં થઈ રહેલી હિમવર્ષાના કારણે મેદાની પ્રદેશોમાં ઠંડીનું જોર વધ્યું છે. જમ્મુ-કાશ્મીર અને હિમાચલ પ્રદેશ સહિતના પહાડી વિસ્તારોમાં થઈ રહેલી હિમવર્ષાના કારણે મેદાની પ્રદેશોમાં શીતલહેર વધી છે.જેના કારણે રાજસ્થાન અને છેક ગુજરાત સુધી ઠંડીનો પ્રકોપ જોવા મળી રહ્યો છે.
ગુજરાતમાં ઠંડા પવનો ફૂંકાતા લોકો ઠૂંઠવાયા છે.રાજ્યમાં ફરી એકવાર નલિયા સૌથી ઠંડું શહેર રહ્યું છે. અહીં 9 ડિગ્રી તાપમાન નોંધાયું છે. ત્યાર બાદ રાજ્યના બીજા શહેરની વાત કરીએ તો અમરેલીમાં 10 ડિગ્રી તાપમાન નોંધાયું છે, તો આ તરફ અમદાવાદમાં પણ 11 ડિગ્રી તાપમાન નોંધાયું છે. તો બીજી તરફ રાજકોટ, ડીસા અને ભુજમાં 12 ડિગ્રી તાપમાન નોંધાયું છે.
હવામાન વિભાગે હજુ થોડા દિવસો ઠંડીનો કહેર યથાવત રહેશે તેવી જાણકારી અાપી છે. વેસ્ટર્ન ડિસ્ટર્બન્સ અને પહાડી વિસ્તારોમાં થઈ રહેલી હિમવર્ષાના કારણે ઠંડીનું જોર વધ્યું છે.