બોલીવુડ અભિનેત્રી જેકલીન ફર્નાન્ડીઝની મુસીબતો ઓછી થઈ રહી નથી અને દિલ્હી પોલીસની ઈકોનોમિક ઓફેન્સીસ વિંગ (EOW) એ સુકેશ ચંદ્રશેખર સાથે જોડાયેલા 200 કરોડ રૂપિયાની છેતરપિંડીના કેસમાં ફરી એકવાર જેકલીનની પૂછપરછ કરવા માટે બોલાવવામાં આવી છે. ઇકોનોમિક ઓફેન્સીસ વિંગ આજે (સોમવારે) જેકલીનની પૂછપરછ કરશે. દિલ્હી પોલીસની ઈકોનોમિક ઓફેન્સ વિંગે સુકેશ વિરુદ્ધ મકોકા હેઠળ કેસ નોંધ્યો છે.
EOWએ જેકલીન ફર્નાન્ડીઝને તેની ફેશન ડિઝાઈનર લીપાક્ષી સાથે પણ બોલાવી છે. EOW જેકલીન અને લિપાક્ષીની સામસામે પૂછપરછ કરી શકે છે. અગાઉ EOW ટીમે જેકલીનની 8 કલાક સુધી પૂછપરછ કરી હતી.
સૂત્રોનું માનીએ તો સુકેશ ચંદ્રશેખરે જેકલીન ફર્નાન્ડીઝનો ડ્રેસ બનાવવા માટે ફેશન ડિઝાઈનર લીપાક્ષીને પૈસા આપ્યા હતા. સૂત્રોના જણાવ્યા અનુસાર, મહાથુગ સુકેશે લિપાક્ષી દ્વારા જેકલીનને આ ડ્રેસ ગિફ્ટ કર્યો હતો.
તપાસ મુજબ, જેકલીન ફર્નાન્ડીઝ સુકેશ ચંદ્રશેખરના સંપર્કમાં હતી ત્યાં સુધી તેનું નામ સ્કેનર હેઠળ આવ્યું. ઈન્વેસ્ટિગેશનમાં જેકલીને ઘણા સવાલોના જવાબ ગોળ ગોળ જવાબ આપ્યા હતા. એટલા માટે તેને ફરીથી પૂછપરછ માટે બોલાવવામાં આવ્યો છે.
