Gaurav Gogoi On Assam CM: ગૌરવ ગોગોઈએ હિમંત બિસ્વા શર્માના આરોપોને ખોટા ગણાવ્યા; કહ્યું – ‘જાસૂસ હોવાની વાતો ફક્ત બોલીવુડ ફિલ્મો જેવી છે
Gaurav Gogoi On Assam CM: કોંગ્રેસના નેતા ગૌરવ ગોગોઈએ આસામના મુખ્યમંત્રી હિમંત બિસ્વા શર્માના તેમના અને તેમની પત્ની એલિઝાબેથ કોલબર્નના પાકિસ્તાન સાથે જોડાણના આરોપોને ખોટા ગણાવ્યા છે. ગોગોઈએ સ્પષ્ટતા આપી છે કે તેમની પત્ની એલિઝાબેથ કોલબર્ન ૧૪-૧૫ વર્ષ પહેલાં એક વર્ષ માટે ઇન્ડિયા એશિયા પ્રોજેક્ટ સાથે સંકળાયેલી હતી, જે દક્ષિણ એશિયા માટે કામ કરતી હતી. આ પ્રોજેક્ટના સંદર્ભમાં, તે 1 વર્ષ પાકિસ્તાનમાં રહી અને પછી ભારત આવી હતી. ગોગોઈએ કહ્યું કે જો તેમણે અથવા તેમની પત્નીએ કોઈ ગેરકાયદેસર કામ કર્યું હોય, તો છેલ્લા ૧૧ વર્ષથી કોની સરકાર સત્તામાં છે? તેમણે કહ્યું કે જો તેઓ ખોટા હોય, તો તેમને સજા મળી જોઈએ.
ગૌરવ ગોગોઈએ કહ્યું કે આસામના લોકો આ બધું જાણે છે. અમારો વળતો પ્રશ્ન એ છે કે, જો મેં કે મારી પત્નીએ કોઈ ગેરકાયદેસર કામ કર્યું હોય, તો છેલ્લા ૧૧ વર્ષથી કોની સરકાર સત્તામાં છે? છેલ્લા ૧૧ વર્ષમાં કેન્દ્ર સરકાર અને કેન્દ્રીય તપાસ એજન્સીઓ શું કરી રહી છે? બધા જાણે છે કે જ્યારે કોઈ વ્યક્તિ ક્રોસ કરે છે ત્યારે કેટલી તપાસ કરવામાં આવે છે અને જ્યારે તે પાછો આવે છે ત્યારે કેટલી તપાસ કરવામાં આવે છે. હું વિરોધ પક્ષનો નેતા છું, હું ગૃહમાં નિર્ભયતાથી મારા વિચારો વ્યક્ત કરું છું. મારી પાસે જે પણ બાયોડેટા છે, તે બધા પાસે છે.
ગોગોઈએ હિમંત બિસ્વા શર્માના આરોપોને ફક્ત બોલીવુડ ફિલ્મો જેવી ગણાવી છે અને કહ્યું કે તેઓ તેમના વિશે જે વાતો કરી રહ્યા છે તેનાથી તેમનું કદ ઊંચું થઈ ગયું છે.
