ચાલુ વર્ષે ચોમાસામાં દેશમાં સારો વરસાદ વરસ્યો છે. તેમાં પણ ઓગષ્ટ મહિનામાં તો રેકોર્ડબ્રેક વરસાદ વરસ્યો છે. હવામાન વિભાગના જણાવ્યા પ્રમાણે દેશભરમાં અત્યાર સુધી સરેરાશથી 9 ટકા વધુ વરસાદ નોંધાઇ ચૂક્યો છે. જેમાં ઓગસ્ટ મહિનામાં સૌથી વધુ વરસાદનો 44 વર્ષ જૂનો રેકોર્ડ તૂટી ગયો. એકથી 28 ઓગસ્ટ સુધી દેશમાં 296.2 મિલીમીટર વરસાદ પડ્યો હતો. જ્યારે કે આ મહિનામાં સરેરાશ 237 મિલીમીટર વરસાદ નોંધાય છે. આવી જ રીતે સરેરાશ 25 ટકા વરસાદ ઓગસ્ટમાં નોંધાયો હતો. 1976માં ઓગસ્ટ મહિનામાં સૌથી વધુ 28.4 ટકા વરસાદ વરસ્યો હતો. ભારતીય હવામાન વિભાગના જણાવ્યા મુજબ દેશભરમાં જુલાઇમાં સરેરાશથી 10 ટકા ઓછો વરસાદ થયો હતો. પરંતુ તેની કસર ઓગસ્ટ મહિનામાં પુરી થઇ ગઇ છે. આ મહિનામાં અત્યાર સુધી સરેરાશથી 25 ટકા વધુ વરસાદ પડ્યો હતો. જે 1976 બાદ આ મહિનામાં સૌથી વરસાદનો વિક્રમ છે. આઇએમડીના ઓગસ્ટના આંકડા મુજબ ચાલુ ચોમાસુ સીઝનમાં એક જૂનથી 28 ઓગસ્ટ સુધી દેશભરમાં 749.6 મિમી. વરસાદ નોંધાયો છે. જ્યારે દેશમાં આ સમયમાં સરેરાશ વરસાદ 689.4 મિમી. થાય છે. જેનાથી 9 ટકા વધુ વરસાદ પડતા ધરતીપુત્રો ખુશખુશાલ છે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.