સરકારને મળ્યો કોંગ્રેસનો સાથઃ ત્રિપલ તલાક બિલ થશે પસાર

ત્રણ તલાકને ગેરકાનૂની બનાવવા અને અપરાધની શ્રેણીમાં લાવવા માટે કેન્દ્ર સરકારે મહિલા વિવાદ અધિકાર સંરક્ષણ બીલ રજુ કર્યુ છે. આ ખરડાને કાનૂની કવચ આવે કે તરત જ કોઇ પણ સ્વરૂપમાં એક સાથે ત્રણ તલાકનો સહારો લેનારને 3 વર્ષની સજા ભોગવવી પડશે. ભાજપે પોતાના સાંસદોને આ ખરડાને લઇને વ્હીપ જારી કર્યુ છે તો બીલને પાસ કરવવા માટે સરકારને કોંગ્રેસનો સાથ પણ મળી શકે છે. વિપક્ષ કોંગ્રેસ આ સરકારી બીલને સંસદમાં પસાર કરાવવામમાં મદદ કરી શકે છે. પક્ષ અધ્યક્ષ રાહુલ ગાંધીના નેતૃત્વમાં ગઇકાલે મોડી રાત્રે કોંગ્રેસના નેતાઓની બેઠક મળી હતી. જેમાં ત્રણ તલાક બીલનું સમર્થન કરવા નિર્ણય લેવાયો હતો. એ જોતા આ બીલને પાસ કરાવવામાં કેન્દ્ર સરકાર કોઇ મુશ્કેલી નહી પડે. ત્રણ તલાક ખરડાને ગૃહમંત્રી રાજનાથ સિંહના નેતૃત્વવાળા આંતરમંત્રી સ્તરીય સમુહે તૈયાર કર્યો છે. જેમાં મૌખિક, લેખિત કે એસએમએસ કે વોટએપ થકી કોઇ પણ સ્વરૂપમાં ત્રણ તલાકને ગેર કાનૂની ઠેરવવા અને પત્નીને 3 વર્ષની સજા કરવાની જોગવાઇ છે.