ગઈ કાલ ગુરુવારે સવારથી મુશળધાર વરસાદ પડવાના કારણે દિલ્હી અને એનસીઆરના અનેક વિસ્તાર જળબંબાકાર થઈ ગયા હતા અને આજે પણ વરસાદ ચાલુ જ છે. સતત અને ભારે વરસાદથી આ વિસ્તારમાંથી પસાર થતી યમુના નદી ભયજનક સપાટી નજીક પહોંચી ગઈ છે. દરમિયાન ગઈ કાલે અને આજે થઈ રહેલા વરસાદના કારણે અનેક રસ્તાઓ પાણીમાં ડૂબી જતાં અને કેટલાક સ્થળે રસ્તાઓ તૂટી જતાં વાહનવ્યવહાર અવરોધાયો હતો અને ટ્રાફિક જામની સ્થિતિ જોવા મળી હતી. સ્કૂલે જતાં બાળકો અને ઓફિસોમાં જતા લોકો અધવચ્ચે અટવાઈ ગયા હતા. ઠેરઠેર ચક્કાજામ સર્જાયો હતો. પાણી ભરાવાના કારણે ક્યાંક અન્ડરપાસ અને ઓવરબ્રિજ સ્વિમિંગપૂલમાં ફેરવાઈ ગયા હતા. ચાર કલાકના ભારે વરસાદે દિલ્હી અને એનસીઆરની હાલત બગાડી મૂકી હતી. આખું દિલ્હી જાણે પાણીમાં ડૂબી ગયું હોય તેવો નજારો સર્જાયો હતો. નેશનલ હાઈવે નંબર-૨૪ પર પાણી ભરાવાના કારણે વાહનોની લાંબી લાઈન લાગી હતી. દિલ્હી પોલીસે લોકોને જ્યાં પાણી ભરાયાં હોય તેવા વિસ્તારમાં નહીં જવા ચેતવણી આપી હતી.
Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.