Aadhaar Update: આધાર કાર્ડમાં નામથી લઈને મોબાઇલ નંબર સુધી કેટલા વખત ફેરફાર કરી શકાય છે? જાણો તમામ નિયમો
Aadhaar Update આજના સમયમાં આધાર કાર્ડ દરેક વ્યક્તિ માટે મહત્વપૂર્ણ ઓળખનો દસ્તાવેજ બની ગયો છે. બેંકિંગ સેવાઓથી લઈને સરકારી યોજનાઓના લાભ માટે આધારનો ઉપયોગ જરૂરી બન્યો છે. જો તમારી આધાર વિગતોમાં કોઈ ભૂલ છે, તો તેને સુધારવા માટે UIDAI (યુનિક આઈડેન્ટિફિકેશન ઓથોરિટી ઓફ ઈન્ડિયા) દ્વારા સ્પષ્ટ નિયમો બનાવવામાં આવ્યા છે. ચાલો જાણીએ કે આધાર કાર્ડમાં કઈ માહિતી કેટલી વખત સુધારી શકાય છે.
નામ સુધારવાની મર્યાદા – ફક્ત 2 વખત
તમારું નામ ખોટું હોય, અટક બદલવાની જરૂર હોય કે પછી કોઈ સ્પેલિંગ ભૂલ હોય, તો તમે નામ ફક્ત બે વખત સુધારી શકો છો. PAN કાર્ડ, પાસપોર્ટ, પાચલાં નામ બદલવા માટે લગ્ન પ્રમાણપત્ર વગેરે માન્ય દસ્તાવેજો જરૂરી રહેશે.
જન્મ તારીખ સુધારવા – ફક્ત 1 તક
જન્મ તારીખમાં ફેરફાર UIDAI ફક્ત એક જ વખત મંજૂર કરે છે. એકવાર સુધાર્યા પછી, બીજી વખત સુધારો શક્ય નથી. પૂરાવા તરીકે જન્મ પ્રમાણપત્ર, સ્કૂલ લિવિંગ સર્ટિફિકેટ કે સરકારી દસ્તાવેજ જરૂર પડશે.
સરનામું – ફેરફારની કોઈ મર્યાદા નહીં
તમારું નિવાસસ્થાન બદલાવા પર તમે ગમે તેટલી વખત સરનામું અપડેટ કરી શકો છો. આ માટે ભાડા કરાર, વીજ બિલ કે અન્ય સરનામા પુરાવા માન્ય ગણાય છે. આ સુધારો ઓનલાઇન અથવા આધાર કેન્દ્રેથી કરાવી શકાય છે.
લિંગ સુધારવા – ફક્ત 1 તક
આધાર પર લિંગ (Male/Female/Transgender) ખોટું નોંધાયેલ હોય, તો તે ફક્ત એક વખત સુધારી શકાય છે. યોગ્ય દસ્તાવેજોની જરૂર પડશે અને એકવાર અપડેટ થયા પછી બીજી તક મળતી નથી.
મોબાઇલ નંબર – બદલવાની કોઈ મર્યાદા નહીં
મોબાઇલ નંબર ગમે તેટલી વાર અપડેટ કરી શકાય છે. જો તમે નવો નંબર લિંક કરવા માંગો છો, તો નજીકના આધાર કેન્દ્રની મુલાકાત લેવી પડશે. OTP આધારિત સેવાઓ માટે તમારું મોબાઇલ નંબર અપડેટ કરવું અત્યંત જરૂરી છે.
અપડેટ માટે જરૂરી દસ્તાવેજો
દરેક અપડેટ માટે આધાર આધારિત માન્ય દસ્તાવેજોની આવશ્યકતા રહે છે. કેટલાક કિસ્સાઓમાં મૂળ દસ્તાવેજ બતાવવો પણ ફરજિયાત બની શકે છે.
ટિપ: અપડેટ કરતા પહેલાં તમારું વિગતવાર ચકાસો અને યોગ્ય દસ્તાવેજ સાથે જ અરજી કરો, જેથી ભવિષ્યમાં કોઈ સમસ્યા ન આવે.
