મહિલા ઇચ્છે તો પતિ સાથે રહેવાનો ઇન્કાર કરી શકે છે

સુપ્રિમ કોર્ટે ૨૩ વર્ષીય જૈન મહિલાને તેની ઇચ્છા પર સહમતી જતાવતા તેણીને પતિની જગ્યાએ માતા – પિતા સાથે રહેવાની પરવાનગી આપી છે. તેના પતિએ તેની સાથે લગ્ન કરવા માટે કથિત રીતે ઇસ્લામ છોડીને હિન્દુત્વ અપનાવ્યો હતો. ચીફ જસ્ટીસ દિપક મિશ્રાની ખંડપીઠે મહિલાની ઇચ્છા જાણવા કેટલાક સવાલ પૂછયા હતા તેણીએ કહ્યું હતું કે, મે મોહમ્મદ ઇબ્રાહીમ સિદિકી ઉર્ફે આર્યન આર્ય સાથે લગ્ન કર્યા હતા અને સ્વેચ્છાએ માતા – પિતા સાથે રહેવા માંગે છે. ખંડપીઠે નક્કી કર્યું કે, મહિલાની વાત સ્પષ્ટ છે તેથી તેણીને વાલી સાથે રહેવા મંજુરી મળે. આ પહેલા મોહમ્મદ ઇબ્રાહિમે કોર્ટમાં અરજી કરી પત્નીને વાલીઓના પંજામાંથી મુકત કરવા આગ્રહ કર્યો હતો. જવાબ કોર્ટે કહ્યું હતું મહિલા પુખ્ત છે અને તેને ઇચ્છાનુસાર કાર્ય કરવાની સ્વતંત્રતા છે જો પતિ સાથે તે રહેવા માંગતી ન હોય તો તે વૈવાહિક પ્રશ્ન બની જાય છે તેનો નિકાલ સંબંધિત કોર્ટ કરશે. સામાન્ય રીતે ધર્મ બહારના લગ્નમાં યુવતી પોતાનો ધર્મ બદલતી હોય છે, પરંતુ આ એક કેસ એવો છે જેમાં હિન્દુ યુવતી સાથે લગ્ન કરવા માટે મુસ્લિમ યુવકે હિન્દુ ધર્મ અપનાવ્યો. પરંતુ સોમવારના રોજ સુપ્રીમ કોર્ટમાં યુવતીએ જણાવ્યું કે, તેણે પોતાની મરજીથી લગ્ન કર્યા હોવા છતાં તે પોતાના માતા-પિતા સાથે રહેવા માંગે છે. ૩૩ વર્ષીય મોહમ્મદ ઈબ્રાહિમ સિદ્દીકીએ રાયપુરમાં રહેતી ૨૩ વર્ષીય હિન્દુ જૈન યુવતી સાથે ફેબ્રુઆરીમાં લગ્ન કર્યા હતા અને પોતાનું નામ બદલીને આર્યન આર્ય રાખ્યુ હતુ. ૧૭ ઓગસ્ટના રોજ તેણે સુપ્રીમ કોર્ટમાં હેબિયસ કોર્પસ પીટિશન ફાઈલ કરીને આરોપ મુકયો છે કે યુવતીના માતા-પિતા અને હિન્દુ ગ્રુપના અમુક લોકો તેમને બળજબરી પૂર્વક અલગ કરી રહ્યા છે. ચીફ જસ્ટિસ દીપક મિશ્રા અને જસ્ટિસ એ.એમ.ખાવિલ્કર અને ડી.વાય.ચંદ્રચૂરની બેન્ચે આર્યના કાઉન્સિલ નીખિલ નૈયર દ્વારા મુકવામાં આવેલા આરોપોને ધ્યાનમાં રાખીને ધામત્રીના સુપ્રિડન્ટન્ડન્ટ ઓફ પોલીસને આદેશ આપ્યો કે ૨૭મી ઓગસ્ટના રોજ યુવતીને કોર્ટમાં હાજર કરવામાં આવે. સોમવારના રોજ છત્તીસગઢ પોલીસે યુવતીને કોર્ટમાં હાજર કરી હતી, જયાં તેની સાથે તેના પિતા અને સંબંધી પણ સાથે આવ્યા હતા. જજ યુવતી સાથે વાતચીત કરે તે પહેલા સ્ટેટ એડવોકેટ જનરલ જુગલ કિશોરે પીઠને જણાવ્યું કે, આ લગ્ન છેતરપિંડીથી કરવામાં આવ્યા હતા. યુવકના આ પહેલા બે વાર છૂટાછેડા થઈ ચુકયા હતા અને તેણે યુવતીને આ વાત છુપાવી હતી. યુવતીના પિતા અને સંબંધીનો પ્રભાવ ન પડે તે માટે ઘ્થ્ત્હ્ય્ કોર્ટે યુવતી સાથે અંગત રીતે વાત કરી હતી. જજ સામે યુવતી પોતાની વાત પર અડગ રહી અને તેણે અવારનવાર એક જ વાત કહી કે, તેના લગ્ન ભલે તે યુવક સાથે થયા હોય પરંતુ તે પોતાના માતા-પિતા સાથે રહેવા માંગે છે. અને તેણે કોર્ટને જણાવ્યું કે તે માતા-પિતાના પ્રેશરમાં આવીને આ નિર્ણય નથી લઈ રહી.