સમગ્ર દેશમાં ટોલ ટેક્સ વસૂલવા માટે ફાસ્ટેગ વ્યવસ્થા લાગૂ કરવામા આવી છે. ફેબ્રુઆરી મહિનામાં આ નવી વ્યવસ્થા દ્વારા 1841 કરોડ રૂપિયાની આવક થઈ છે. નેશનલ હાઈવે ઓથોરિટી ઓફ ઈન્ડિયા (NHAI) દ્વારા જાહેર કરવામા આવેલ આંકડા મુજબ, સરકારે ફેબ્રુઆરી મહીનામાં ફાસ્ટેગથી ટોલ પ્લાઝાથી દરરોજ 63 કરોડ રૂપિયાથી વધુની આવક કરી છે. નેશનલ હાઈવે સ્થિત ટોલ પ્લાઝા પર ફાસ્ટેગથી ટોલ વસૂલવામાં આવી રહ્યો છો. જો કે, અત્યારે હાઈવે પર ચોથા ભાગના ટોલ બૂથ પર રોકડ અને ફાસ્ટેગ બંનેથી ટોલ વસૂલવામા આવે છે. ફેબ્રુઆરીમાં નેશનલ હાઈવે પર ટોલ પ્લાઝા પર ફાસ્ટેગથી લગભગ 11 કરોડ 13 લાખ ટ્રાન્ઝેક્શન થયા છે. જાન્યુઆરીમાં નેશનલ હાઈવે પર ટોલ પ્લાઝા પર ફાસ્ટેગથી લગભગ 9 કરોડ 30 લાખ ટ્રાન્ઝેક્શન થયા છે. તેનાથી સરકારને 1622 કરોડ રૂપિયાની આવક થઈ હતી. ડિસેમ્બરમાં સરકારે આ ટોલ પ્લાઝાથી ફાસ્ટેગ દ્વારા 1256 કોરડ રૂપિયાની કમાણી કરી હતી. આ દરમિયાન ફાસ્ટેગથી 6 કરોડ 40 લાખ ટ્રાન્ઝેક્શન થયા હતા. નવેમ્બરમાં ટોલ પ્લાઝા પર ફાસ્ટેગથી 3 કરોડ 40 લાખ ટ્રાન્ઝેક્શન થયા હતા. નવેમ્બરમાં આ ટ્રાન્ઝેક્શનથી અંદાજે 774 કરોડ રૂપિયાની આવક થઈ. ઓક્ટોબર 2019માં ફાસ્ટેગથી 3 કરોડ 10 લાખ ટ્રાન્ઝેક્શન થયા હતા, જેનાથી સરકારને 703 કરોડ રૂપિયાની કમાણી કરી હતી. નેશનલ હાઈવે ઓથિરિટી ઓફ ઈન્ડિયા (NHAI)ના જણાવ્યા પ્રમાણે, તેણે ટોલ પ્લાઝા પર ફાસ્ટેગવાળી લેનમાં પ્રવેશતા ટેગ વગરના 18 લાખ વાહનો પાસેથી 20 કરોડ રૂપિયા વસૂલાત કરી છે. માર્ગ પરિવહન મંત્રાલયે ગત વર્ષે ડિસેમ્બરમાં ઈલેક્ટ્રોનિક ટોલ કલેક્શન માટે ફાસ્ટેગની શરૂઆત કરી હતી. ટેગ વગરના વાહનો જો ફાસ્ટેગની લેનમાં પ્રવેશે છે તો તેમને ડબલ ટોલ ચૂકવવો પડે છે. અત્યાર સુધી દેશમાં 1.55 કરોડથી વધારે ફાસ્ટેગ જારી કરવામા આવ્યા છે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.