દુનિયા કોરોના વાઈરસ સંકટ સામે ઝઝૂમી રહી છે. કોરોના વિરુદ્ધ કોઈ કારગત દવા હજુ સુધી મળી નથી. એવામાં ફક્ત એક દવા : હાઈડ્રોક્સીક્લોરોક્વિન(એચસીક્યૂ)ની સૌથી વધુ ચર્ચા છે. કેન્દ્ર સરકારે 25 માર્ચે તેની નિકાસ પર બેન મૂકી દીધો હતો. પછી અમેરિકી રાષ્ટ્રપતિની માગ પછી હટાવ્યો ફક્ત અમેરિકા જ નહીં, દુનિયાના અનેક દેશ ભારત પાસે આ દવાની માગ કરી રહ્યા છે. આ દવા કોરોનાની નહીં પણ મલેરિયાની છે. શરૂઆતના સ્તરથી અત્યાર સુધી કોરોના વિરુદ્ધ સૌથી વધુ પ્રભાવી મનાઈ છે. ગત 76 વર્ષથી ભારતમાં એન્ટિ મલેરિયા અને રુમેટાઈડ આર્થરાઈટિસના ઉપચારમાં વપરાતી આ દવાની અચાનક જ બજારમાં અછત વર્તાઈ.
સૌથી પહેલાં મોટા પાયે બીજા વિશ્વયુદ્ધ દરમિયાન આ દવાનો ઉપયોગ થયો હતો. આ ટેબલેટ મૂળરૂપે ઈમ્યુન પાવર વધારે છે. 1940 પછી તેનો ઉપયોગ મલેરિયાની સારવાર માટે કરાયો. હવે સ્થિતિ એ છે કે મોટા ભાગના મેડિકલ સ્ટોર પર આ ‘આઉટ ઓફ સ્ટોક’ થઈ ચૂકી છે. ભારતે 13 દેશો માટે પ્રથમ કન્સાઇનમેન્ટ મોકલી આપ્યું છે. તેમાં અમેરિકા, સ્પેન, જર્મની વગેરે સામેલ છે. દેશમાં 80 ટકા એચસીક્યૂ ઈપ્કા અને ઝાયડસ-કેડિલા કંપનીઓ બનાવે છે. ઇપ્કાએ જણાવ્યું કે દેશમાં એચસીક્યૂના કુલ ઉત્પાદનનો 10 ટકા ઉપયોગમાં લેવાય છે. બાકી 90 ટકા 50 દેશોને એક્સપોર્ટ થાય છે. અમેરિકાએ ભારત પાસે તેની 48 લાખ ટેબલેટ માગી છે. જોકે ભારતે 35 લાખ ટેબલેટ મોકલવાની મંજૂરી આપી છે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.