V Sword Missile ભારત ઇમરજન્સી હેઠળ ખરીદશે V Sword મિસાઇલ – દુશ્મનનો અંત હવે ધડાકા વિના
V Sword Missile ભારત પાકિસ્તાન સાથેની તંગ પરિસ્થિતિઓને ધ્યાનમાં રાખીને ઇમરજન્સી કટોકટી ખરીદી હેઠળ 85 V Sword મિસાઇલ અને 48 લોન્ચર સાથે નાઇટ વિઝન સિસ્ટમ્સ ખરીદશે. V Sword મિસાઇલનું ટેક્નિકલ નામ હેલફાયર R9X છે, જેને “ફ્લાઇંગ ગિન્શુ” અથવા “સ્વોર્ડ મિસાઇલ” તરીકે પણ ઓળખવામાં આવે છે. ખાસ વાત એ છે કે આ મિસાઇલ વિસ્ફોટ ન કરતી હોવા છતાં દુશ્મનને ચોકસાઇથી નષ્ટ કરી દે છે.
આ મિસાઇલનો ઉપયોગ ખાસ કરીને ડ્રોન દ્વારા કરવામાં આવે છે, અને તેનો મુખ્ય હેતુ એવા આતંકવાદીઓને નષ્ટ કરવો હોય છે, જે સામાન્ય નાગરિકોમાં છુપાયેલા હોય. આ ટેક્નોલોજી એટલી પ્રીસાઇઝ છે કે તેના ઉપયોગ દરમિયાન આસપાસના નિર્દોષ લોકોને નુકસાન થવાનું જોખમ બહુ ઓછું રહે છે. મિસાઇલમાં વિસ્ફોટક પદાર્થો નહોતાં હોય છતાં, તેમાં છ તીક્ષ્ણ તલવાર જેવી બ્લેડ હોય છે, જે લક્ષ્ય સુધી પહોંચતા પહેલા બહાર નીકળી આવે છે અને સીધા ટાર્ગેટને છિન્ન ભિન્ન કરે છે.
આ રીતે સંચાલિત મિસાઇલનો ઉદાહરણ અમેરિકાએ પણ આપ્યો હતો જ્યારે 2022માં અલ-કાયદાના વડા અયમન અલ ઝવાહિરીને કાબુલમાં ડ્રોન હુમલામાં મારી નાખવામાં આવ્યો હતો. આ હુમલામાં પણ આ જ પ્રકારની મિસાઇલનો ઉપયોગ થયો હતો, જેમાં અન્ય કોઈ નાગરિક ઘાયલ થયો નહોતો.
ભારત દ્વારા આવી મિસાઇલની ખરીદીનો નિર્ણય તેનો આતંકવાદ વિરુદ્ધનો દ્રઢ અભિગમ દર્શાવે છે. V Sword મિસાઇલનો ઉપયોગ ભારત પાકિસ્તાનની સરહદ નજીક કે પાકિસ્તાનમાં રહેલા આતંકવાદીઓના સેલ ખતમ કરવા માટે કરી શકે છે. નાઇટ વિઝન સાથેના લોન્ચર્સ દ્વારા દિવસ કે રાત્રિના કોઈ પણ સમયે આ મિસાઇલનો ઉપયોગ શક્ય બની રહેશે.
આ ટેક્નોલોજી ભારતીય સેનાને તાત્કાલિક અને ચોક્કસ જવાબ આપવાનો અવિરત વિકલ્પ પૂરું પાડશે. આવી પ્રીસાઇઝ અને અવિનાશક મિસાઇલ આપણી રાષ્ટ્રીય સુરક્ષા માટે એક મોટું હથિયાર સાબિત થઈ શકે છે.
