Ladakh New Districts: લદ્દાખ પહેલા જમ્મુ અને કાશ્મીરનો જ એક ભાગ
Ladakh New Districts પરંતુ પછી ઓગસ્ટ 2019 માં કલમ 370 હટાવ્યા પછી, તેને કેન્દ્રશાસિત પ્રદેશ બનાવવામાં આવ્યો.
કેન્દ્રશાસિત પ્રદેશ લદ્દાખમાં પાંચ નવા જિલ્લા બનાવવામાં આવશે, જેના માટે કેન્દ્ર સરકાર તરફથી મંજૂરી મળી ગઈ છે. કેન્દ્રીય ગૃહ પ્રધાન અમિત શાહે સોમવારે (25 ઓગસ્ટ) આની જાહેરાત કરી છે. અમિત શાહે કહ્યું કે ગૃહ મંત્રાલયે કેન્દ્રશાસિત પ્રદેશ લદ્દાખમાં પાંચ નવા જિલ્લા બનાવવાની મંજૂરી આપી છે. સરકારનું કહેવું છે કે પાંચ નવા જિલ્લા બનાવવાનો ઉદ્દેશ્ય સામાન્ય લોકો સુધી સરકારની પહોંચ વધારવાનો અને લદ્દાખના લોકોની નજીક વહીવટી લાભ પહોંચાડવાનો છે.
લદ્દાખ માટે જે પાંચ જિલ્લાના નામ જાહેર કરવામાં આવ્યા છે
તેમાં ઝંસ્કર, દ્રાસ, શામ, નુબ્રા અને ચાંગથાંગ હશે. આ જિલ્લાઓ સ્થાનિક વહીવટની ગુણવત્તામાં વધારો કરશે અને સરકારી યોજનાઓ સુધી લોકોની પહોંચને સરળ બનાવશે. કેન્દ્ર સરકાર દ્વારા લદ્દાખના પાંચ નવા જિલ્લાઓની જાહેરાત એવા સમયે કરવામાં આવી છે જ્યારે થોડા અઠવાડિયા પહેલા જમ્મુ અને કાશ્મીરમાં 10 વર્ષ પછી વિધાનસભા ચૂંટણી યોજવાની તારીખોની જાહેરાત કરવામાં આવી હતી. ઉત્તરીય કેન્દ્ર શાસિત પ્રદેશો માટે આ મહિને મોટા નિર્ણયો લેવામાં આવ્યા છે.
અમિત શાહે શું કહ્યું?
ગૃહ પ્રધાન અમિત શાહે એક પોસ્ટમાં જણાવ્યું હતું કે, “વિકસિત અને સમૃદ્ધ લદ્દાખ બનાવવાના વડા પ્રધાન નરેન્દ્ર મોદીના વિઝનને આગળ ધપાવીને, ગૃહ મંત્રાલયે કેન્દ્રશાસિત પ્રદેશમાં પાંચ નવા જિલ્લા બનાવવાનો નિર્ણય કર્યો છે. નવા જિલ્લાઓ ઝંસ્કર, દ્રાસ, શામ, નુબ્રા અને ચાંગથાંગ દરેક ખૂણે શાસનને મજબૂત કરીને લોકોને તેમના ઘર સુધી લાભ પહોંચાડશે, મોદી સરકાર લદ્દાખના લોકો માટે વિપુલ તકો ઊભી કરવા માટે પ્રતિબદ્ધ છે.
